鳥海山鐵板燒 (Moved) New Location

媽媽恨食鐵板燒，今日專程帶她去長沙灣，幫襯下朋友推介的鳥海山鐵板燒。小店果然用心經營，食物優質味道好，師傅有功力，價錢實惠，我們都好滿意。我們選了和牛一人前和海虎蝦一人前套餐來share。沙律清爽新鮮，味噌湯開胃。四點刺身新鮮，好貨色。清酒煑蜆大大隻，蜆肉鮮美，乾淨無沙，份量不少。魷魚筒有水準，肉質鮮甜彈牙唔韌，調味好，有味又唔會太濃，吃完一塊又一塊，正!比目魚又香又滑，調味佳，入口溶化。澳洲M9+和牛都好肥美，鮮嫩有肉汁，口感佳，好正，和蒜片一起吃更有風味。特大野生海虎蝦好好食，肉鲜甜结實，蝦頭的羔好香。野菜和炒飯都啱我地口味。兩個餐好味又份量足夠，大滿足，物有所值，期望再訪。