柚子爐端燒 (Closed)

久違了openrice兩星期，皆因要搬屋，啱啱好哂啲嘢，先至有時間寫食評。以前成日去YUZU食lunch，轉咗工之後就無再去，搬屋前的星期六心血來潮想重游舊地，於是相約男友懷舊一番。YUZU嘅set lunch超抵食，$40就有交易，包前菜、麵豉湯同餐飲。我們一共點了肉眼扒餐、金菇牛肉卷餐、一客(共4隻)燒雞翼。肉眼扒要了medium rare，火喉控制得極差，端上來己是well-done。印象中YUZU的肉眼頗厚身，食落亦juicy，眼前的這塊扒，實在令人失望。金菇牛肉卷餐係新菜式，賣相超吸引。金菇牛肉卷外形十分包滿，金菇新鮮且十分之多，牛肉不會過肥，口感極好，推介！串燒一向是YUZU强項，燒雞翼亦係强項中之最強。見師傅邊燒邊灑盬，燒成十五分鐘先上枱，十分用心。雞翼外皮燒得極脆，難得肉質亦keep到鮮嫩，必食！如果唔係個肉眼扒累事，我一定比「笑臉」，因為金菇牛肉卷同燒雞翼的確唔錯。