呢日去咗上環新開嘅高先戲院睇戲
睇戲前先搵食～
喺app搵到呢間有參與懲罰祭嘅日式餐廳
1
餐牌有多款唔同組合，有啲花多眼亂
但價錢勁抵！
舖位唔算大，好似仲有上層
坐低仲見到有懲罰祭嘅痕跡！
呢啲係前菜～
有麵豉湯、沙律同螺肉
1
自選壽司拼盤，$108
喺A（壽司）、B（迷你丼）、C（刺身／天婦羅／炸物）選項入面揀3樣嘢
難為了選擇困難症患者。。。
所以我哋最後揀嘅嘢都係差唔多，呵呵！
男朋友揀咗A1，有鹽燒三文魚腩、鹽燒左口魚邊、芝士燒海老、沙律醬燒蟹棒、蒲燒鰻魚同埋焦糖三文魚
當中最特別嘅就緊係焦糖三文魚，佢話好好味～
自選壽司拼盤，$108
呢個就係我揀嘅～
壽司類我就揀咗A3，有油甘魚、真鯛、蒲燒鰻魚、玉子、北寄貝同埋牛油果沙律（呢個似乎唔係同類？！）
鍾意食魚嘅朋友揀呢個就最啱嘞～
迷你丼類我哋都揀咗B1，角切魚生丼，咩都有啲～
各類魚生都好鮮味，分量都唔細，最後我係食唔晒嘅
C就緊係揀刺身喇！
有三文魚X2、帶子X2，同埋甜蝦X2
帶子同甜蝦超級鮮美！！！
最後埋單都只係每人$108加一，抵到爛！
