✨必點神級CP組合
「馬沙文奶油咖喱雞」($118) 真係驚艷級濃郁！🥘 奶油咖喱香滑到黏嘴唇，雞肉煮到一撕就散晒，啲薯仔吸盡精華入口即化。記住嗌碗「白飯」($15) 撈汁，我同朋友爭到差啲想舔碟！
「藍蝶花蟹肉菠蘿炒飯」($138) 影相霸晒屏📸！蝶豆花染到啲飯紫藍色好夢幻，蟹肉多到每啖都食到絲絲鮮甜🦀，仲有爆汁菠蘿粒同脆口腰果，撈埋肉鬆鹹甜交錯，口感豐富到震～
🌶️開胃擔當
「大蝦冬蔭公(小)」($96) 酸辣度啱啱好，湯底椰香好突出🥥，有一隻大蝦！飲完成身暖粒粒，細size都夠2人share。
🍌甜品控尖叫
壓軸「香蕉薄餅」($78) 即叫即焗🔥！薄脆餅皮包住流心香蕉蓉，拉絲效果超邪惡～灑滿煉奶同朱古力醬，熱辣辣食仲有焦糖脆邊，甜而不膩完美收尾！
💡小貼士
今次兩個人食到捧住肚都係$445（未計加一），人均$222.5好抵玩！服務費10% ($44.5) 俾得甘心，店員會主動黎問意見服務態度好好。
📍青花 (旺角)
旺角奶路臣街17號THE FOREST 1樓107-108號舖
🔥人均$200-250食到
1
1
