麵屋一燈 (Closed)

星期四晚8點左右同朋友一齊黎試試呢期hit爆嘅一燈。一去到見到門口條人龍打咗4個轉，心諗：佢咁hit，排隊都合理嘅。所幸條龍都算去得快，等咗20分鐘左右終於入到去...點知！原來入面勁多吉位，仲要我地坐低咗好耐，店員都冇放其他出面排緊隊嘅人入黎。朋友話 呢個應該係佢哋專登嘅做法，營造出好多人等、好hit嘅感覺，撩起香港人覺得「排得隊實係正」嘅想法，從而好奇黎光顧.......anyway，坐低咗好耐嘢食先上，叫咗沾麵，個湯好快就凍咗... 麵嘅份量係冇得揀嘅，偏少，但麵嘅掛湯能力頗強，湯底亦都唔會好似其他拉麵舖咁偏鹹。