Goobne Chicken (M88) (Closed)

今日同朋友一齐去左食韩式烤鸡，系其他朋友推荐嘅，佢话佢同男朋友都成日黎食wo一於黎试下佢啦。一上到去发现原来都几多人，仲有唔少外国人都黎食，入到去都几有feel。 搵左个靠窗位置坐低，order左份蜜糖咖哩烤鸡同泡菜芝士炒饭～烤鸡甜甜地但唔腻嘅，点埋芥末酱好好味呀～鸡肉肉质又够鲜嫩，真系皮脆肉嫩烤得岩岩好。 泡菜芝士炒饭一直都系我地想试左好耐嘅韩国野之一，话哂都系泡菜出名嘅国家嘛，不过我又唔食得辣，终於有人同我share呢份辣，梗系试啦。好彩无我想像中咁辣，仲接受到，炒饭配埋煎蛋同紫菜都好好食呀！ 最後叫左两杯苹果酒冰沙，睇样都觉得正啦，味道都一样ok唔错！饮落甜甜地，好岩女仔饮。