炸魚片米粉($98)：粗米粉其實即係米線，除咗有5件炸魚仲有蕃茄、白菜仔同紫菜！魚湯底鮮甜無腥味，我哋連湯都飲清光😋
叻沙($98)：
湯底香辣惹味而且配料豐富，有蝦、魚蛋、魚片、豆卜同半隻烚蛋！
咖椰爆漿($68)：
幾乎每枱都有叫嘅甜品👀多士包住咖椰、牛油、花生醬、朱古力榛子醬同煉奶，最後灑上美祿粉！可惜甜度爆燈，食1件已經感覺有啲飽滯😆
黑白($28)：仙草奶茶平時就飲得多，仙草豆漿真係第一次飲！豆香濃郁嘅豆漿加上滑捋捋嘅仙草感覺好清新 🥤
美祿爆炸($58)：超濃郁嘅美祿味，面層仲有好多朱古力脆脆😍
餐廳採用自助形式，食完嘢記得幫手將餐具碗筷放番去回收處😊
