金記冰室 (赤柱廣場) (Closed)

趁星期日放假，遠離繁囂去遠少少，去赤柱行吓吹海風輕鬆吓，去到已是中午時分當然係醫左肚先，見到前面有間冰室門口有幾個人排緊隊，心諗有人排隊差極有限，於是我哋二話不說就行去排隊，可能係茶餐廳嘅關係，食客嘅流量同食嘢嘅速度都比較快，等咗5分鐘左右就有位啦，入到去店員好有禮貌咁同我哋講掃描落單，於是我哋就點左幾個招牌菜，半只砂礓雞，雞肉嫩滑勁香炸雞味，招牌豬潤米粉配火腿奄列跟半片牛油多士，豬潤爽彈極有豬膶味，而湯底正正是我喜愛的胡椒味湯底，招牌生炸雞髀，外皮香脆雞肉內嫩而且有肉汁唔錯，本人覺得最好味係XO醬豬扒炒烏冬，非常之嘢味，而且豬扒軟淋一啲都唔鞋口，再配上辣椒醬同吃味道一流😋