101手工涮涮鍋 (金朝陽中心二期 - Midtown)

Open Now

Now Closed

又約左愛人食飯，天文台預報天氣轉冷，凍冰冰最啱去打邊爐。 餐廳位於頂樓，入到去坐係水吧附近，枱上已經準備好前菜同豉油，而重點係...... 點菜紙勁大張 😱😱😱先講飲料，選擇非常多，淨係倒插砂冰系列都已經有 4 x 3 ... 12款，還有熱飲，汽水，水果茶，盆栽奶茶，雞尾酒，紅白酒和啤酒共40多款 😰😰😰 (選擇困難症又發作) 好在我地唔飲酒，最後先飲一杯盆栽特濃朱古力珍珠和柑桔檸檬砂冰配雪碧。飲品好大杯呀 😵 杯盆栽特濃朱古力珍珠唔太甜，夠朱古力味 👍柑桔檸檬砂冰配雪碧就夠晒凍，同火鍋是絕配 😎火鍋套餐可選的鍋底有13種，我地唔食辣，選了台灣沙茶雞涮涮鍋。 冇點海鮮，肉就要安格斯牛，同101特選手工火鍋拼盤。 店員建議我地食左套餐先叫追加配料，因為套餐食物足以放滿一枱 😀😀😀鍋底: 好多配菜，啲雞煲左陣先食都仲好滑。前菜: 對於唔食辣嘅人黎講，麻辣麻醬手撕雞和麻辣木耳都唔算好辣，個人鍾意木耳多啲！牛頸脊肥牛片: 份量足，唔係一般個啲薄切肥牛，有牛味有咬口!響鈴卷和炸魚皮: 魚皮好脆，響鈴新鮮大大條，吸左湯之後想唔好味都幾難啦😂😂😂火鍋拼盤: 黑松露個幾款，真係好黑松露，香氣迫人。