317
5
1
4-min walk from Exit B, Causeway Bay MTR Station continue reading
All Branches (2)
Telephone
51221883
Introduction
You can enjoy the view of Victoria Harbor in this all-you-can-eat hotpot restaurant. It serves a variety of seafood and meat. It offers outdoor area too. continue reading
Opening Hours
Today
12:00 - 15:30
18:00 - 00:30
Mon - Sun
12:00 - 15:30
18:00 - 00:30
*Last Order: 15:00; 23:30
Payment Method
Visa Master Cash Alipay
Other Info
Online Reservation
Reward Dining Points
Spot payment
About Reward Scheme
Review (335)
銅鑼灣靚景邊爐 Featured Review
Level4 2018-06-27
2646 views
101手工火鍋座落於金朝陽中心頂樓主打任飲cocktails加大露台睇靚景!任飲任食之餘仲要不限時食足成晚超回本!其實主打半放題嘅台式火鍋!先有兩款前菜,可以任食嘅有木耳同麻醬手撕雞有酒精同非酒精飲品飲品十分推介!一啲都唔hea你!一定要飲cocktail類!大推!又靚又可以打卡又好飲!仲有兩款啤酒可以揀咖!無酒精特飲款式都好多大推水果茶,夠哂清甜消濟鍋底嘅選擇都超級多,偏台式!我地揀冬陰公卜卜蜆海鮮鍋因為大家都中意食辣!冬陰公酸酸辣辣勁開胃,味道幾正宗蜆份量超多,新鮮又厚肉!每兩個人會有一份牛或豬牛魔王嘅我地梗係食安格斯牛頸脊!份量好十足!肉質係手切的,夠厚身有咬口!牛味又濃,嫩滑!拼盤有兩種101特選手工火鍋拼盤或台灣夜市手工拼盤我地都揀手工拼盤,只要係餃同丸包括黑松露蟹子海鮮軍艦,黑松露芝士豚肉餃,太極冬菇,墨魚汁烏結糖,黑松露蟹肉餃,安格斯霜降牛丸同三重芝士鮮製蝦丸。三重芝士蝦丸勁推介口感爽口彈牙,食到粒粒蝦肉仲有勁邪惡拉絲芝士!手工即炸響鈴卷拼手工即炸魚皮即炸超巨型!同冬陰公湯超夾,吸哂啲湯惹味到!仲有高質嘅任吃鍋料水晶包同芋圓你又試過未?非常特別!紫薯甜甜,口感煙韌!環境,飲品,食物都一流!真係超推介! continue reading
(The above review is the personal opinion of an user which does not represent OpenRice's point of view.)
靚景下打邊爐 Featured Review
Level4 2018-06-15
2568 views
同友人們好耐無見,一見面就打邊爐了。火鍋店位於29樓,可以一邊打邊爐一邊欣賞好靚嘅夜景,另外仲有户外區可以行出去。個火鍋餐有好豐富嘅食材,首先食前菜。前菜有麻醬手撕雞同麻辣木耳同蓮藕,由於太好味嘅關係,我地追加左幾次先夠。湯底就揀左台灣紅燒牛肉鍋,入面有牛腩,超入味,好正!再追加左個海鮮拼盤,入面有好肥美嘅珍寶美國桶蠔,原隻鮑魚,大海蝦,馬刀貝同卜卜大蜆,全部都好新鮮!肉類就必揀牛肉,呢個係手切安格斯prime grade牛頸脊肥牛片,有牛味,入口香滑!另外拼盤入面有好多手工丸類,覺得黑松露蟹足餃最好食,好香松露味!其他都非常不錯!而台灣小食拼盤都好正,啲滷味調得幾好,最愛食滷水豬耳。黎左咁多野之後仲未完,仲有超大嘅響鈴同魚皮,炸得香脆,感覺新鮮!自選食材都好多選擇,特別叫左8吋長蟹棒,真係好長,好味!另外台灣渝川拉麵同個湯底好夾!呢度嘅飲品好多選擇,個餐包埋,全部係即場整,好有心思,首先試左蜂蜜水果冰茶,好解渴,適合進食初期飲用。當食到飽飽地時再叫杯sex on the beach,入面有桃,橙同紅莓味,酸酸地最啱消滯。最後再試blue ocean,味道似雪碧,都唔錯。而友人就瘋狂追加店長推介嘅白酒,好易入口,佢地大讚好正,必試!埋單時發現原來仲有甜品未食,分別有木糠布丁同雪耳仙草糖水。呢度侍應好細心,會幫忙片走湯面嘅油脂,加分。呢個餐真係超多野食同野飲,食材高質,加埋個靚景,絕對對得住個價錢! continue reading
(The above review is the personal opinion of an user which does not represent OpenRice's point of view.)
有海景睇的台式邊爐 Featured Review
Level4 2018-06-10
2034 views
前排喺銅鑼灣行街,見到呢間好有特色食台灣火鍋嘅餐廳,手工涮涮鍋套餐平日每位$398,假日每位加$30,一於就試試佢一入門口已經好有feel,佢有個bar位就係門口,令人置身係酒吧咁我同朋友坐左係中間位置,睇唔到海景有d可惜不過馬上已經比眼前嘅小菜吸引住了,分別有手撕雞,麻辣木耳等!小菜好好食,好少餐廳會連小菜都有心機地去整而調味料就以九宮格方式擺放,搶眼奪目。湯底我就揀左香辣三杯卜卜蜆涮涮鍋,湯料好豐富,有豬紅、豆卜、香菇等,食曬呢d都有d飽另外肉類就揀左手切安格斯prime grade 牛頸脊肥牛片,果然無令人失望,雪花分佈得好平均,食落好多汁,可以一口融化的感覺。手工火鍋拼盤中有八款食物,包括墨魚汁鳥結糖、太極冬菇、安格斯霜降牛丸、三重芝士蝦丸、黑松露蟹子海鮮軍艦、黑松露蟹肉餃、黑松露芝士豚肉餃和三重芝士墨魚丸,味道都令人相當滿意。雖然價錢喺眾多火鍋之中稍貴,但勝在飲品加紅白酒任飲,而且除咗特選食物之外其他食物都可以任叫,重點食物有質素保證,值回票價。 continue reading
(The above review is the personal opinion of an user which does not represent OpenRice's point of view.)
消暑大冬瓜湯底 Featured Review
Level4 2018-05-29
2002 views
返工咁辛苦, 收工梗係要拆餐勁!呢間位於金朝陽中心嘅101以手工火鍋配料見稱, 店內環環相當唔錯, 夠寬敞, 咁熱嘅天氣打邊爐, 最緊要係冷氣夠, 抽風好, 呢度未食已經攞曬分!菜都未點, 就先有前菜-秘製木耳, 麻醬雞絲俾你開定個胃。鍾意混醬嘅朋友見到呢盤嘢就忘形地混...。呢度上菜超快呀, ready?上鍋啦!睇見呢個畫面, 一切都變得唔重要啦, 最緊要有好嘢食!呢個 金蟬脫殼 雞鍋湯底勁足料, 鍋中心一塊大冬瓜, 加上蟲草花、杞子同其他配料, 清清地消暑又養生。時令海鮮拼盤, 單係兩隻巨蠔已經值回票價啦。手切安格斯牛頸脊, 肉質爽口, 油花分佈平均, 牛味亦相當濃郁。手工火鍋拼盤, 8款入面有5款都加咗芝士/黑松露, 連平時唔太鍾意食丸嘅我都愛上彈牙、鮮味嘅鮮蝦芝士丸。成支筷子咁長嘅巨形響鈴, 浸一浸, 吸收曬湯底精華, 正呀。呢個set份量之大, 相信要兩個大胃男先食得曬。食到呢個地步, 如果你自命食量驚人, 仲有成個list俾你無限追加。脆鯇魚腩, 新鮮又爽口, 大推!飽到攬住個肚都要點半份。飽到攬住個肚返屋企。 continue reading
(The above review is the personal opinion of an user which does not represent OpenRice's point of view.)
值回票價的優質火鍋 Featured Review
Level4 2018-05-18
2452 views
為方便在港島區上班的朋友,特別過海來銅鑼灣吃晚餐。夏來冬去,已經好一段日子沒吃火鍋。經網上搜尋,發現了這家特色火鍋店。餐廳位處大廈高層,可盡情飽覽銅鑼灣的夜景。餐廳有一面露台,客人可便用露台空間邊欣賞美景邊把酒談心。手工涮涮鍋套餐平日每位$398,假日每位加$30。套餐包括九大項目如下。前菜兩款前菜小食有麻辣麻醬撕雞和麻辣雲耳。兩款前菜味道只屬小辣,味道不俗。湯鍋餐廳提供超過十款湯鍋,款款別具特色。話明是台式火鍋店,最特別的當然是台式的火鍋湯底,例如有台式紅燒牛肉、三杯雞和麻辣雞等。由於已經接連暴食了好幾天,爭扎了一番後,還是選擇點選比較清淡的冬瓜卜卜蜆海鮮鍋。這湯鍋除了冬瓜和蜆外,還有紅棗、洋蔥和蟲草花等配料,豐富了湯底的味道。細心的店員還會幫忙把冬瓜切成細件,方便客人進食。肉類每兩位客人可選一碟特選肉類,有手切安格斯prime grade 牛頸脊肥牛片、西班牙伊利比亞黑毛豬肉片、西班牙伊利比亞黑毛豬頸肉,單看它們的名堂已經非常吸引了。 手切安格斯prime grade 牛頸脊肥牛片雪花分佈很均勻,豐富的油脂令肉質鮮味且質感更嫩腍。肥牛片相比一般的肥牛較為厚切,食感更佳。手工火鍋拼盤拼盤共有八款食物,包括墨魚汁鳥結糖、太極冬菇、安格斯霜降牛丸、三重芝士蝦丸、黑松露蟹子海鮮軍艦、黑松露蟹肉餃、黑松露芝士豚肉餃和三重芝士墨魚丸。味道跟食物名一樣,同樣吸引和高質。當中我個人最喜愛的是墨魚汁鳥結糖、太極冬菇、三重芝士蝦丸和三重芝士墨魚丸。這鳥結糖的賣相跟真實的鳥結糖幾可亂真,這兒的「鳥結糖」是以墨魚汁加入墨魚丸製成,「花生」是以墨魚肉粒製成。「鳥結糖」非常有彈牙,且具鮮味。太極冬菇是以一半墨汁墨魚膠和一半蝦膠釀入冬菇製作,味道天然又鮮味。三重芝士蝦丸和墨魚丸均為新鮮手打,食感很彈牙,但個人非常熱愛芝士,感覺芝士味加強一點更佳。手工即炸響鈴及即炸魚皮響鈴是我火鍋最愛的配料之一,這兒的響鈴非常新鮮,炸得超鬆化,香口得不得了。此外,套餐還包括台式夜市食物,如滷水蛋、大腸、牛肚和鴨舌等等。但基本上吃完上述的食物,已經很飽,所以只好放棄台式夜市食物。無限追加的食物都非常吸引,可惜實在吃不下太多,所以只加選了一碟台式沙茶滑牛片和蔬菜。台式沙茶滑牛片的調味適中,牛肉很嫩滑,值得推介。飲品無限點選的飲品種類繁多,品質都相當高。我點了一杯盆栽香芋珍珠和蜂蜜水果冰茶。「盆栽」的「泥」以朱古力曲奇餅碎製成,上面還插上了一小株的薄荷葉,賣相跟它的名字吻合。飲品調味適中,不會太甜。至於蜂蜜水果冰茶,加入了新鮮果粒,味道清新且清爽。甜品套餐包含了每人一杯木槺奶凍,我吃了木槺香芋奶凍,香芋味很香,奶凍不會太甜,感覺很不錯。雖然價錢不便宜,但勝在可無限時任吃高質火鍋配料,兼且可任飲特色飲品,感覺是值回票價。 continue reading
(The above review is the personal opinion of an user which does not represent OpenRice's point of view.)