川府宴 (Closed)

難得一班良朋知已都係好辣之人，所以就相約去會一會呢個川府，食下啲刺激嘅川菜~~ 星期二嘅晚上都幾爆場，訂咗枱嘅我地，都要等一等先有位，由此前一晚打完邊爐嘅關係，我地決定今晚食小菜快速上枱嘅食物係口水雞，因為係冷盤黎，一早就已經煮好、醃好，賣相都唔錯，將啲雞肉疊成一咗小山咁，下面就係紅色嘅湖水，雞肉幾嫩滑，而且唔會淨係啲骨，可惜唔太麻或者辣，有啲失望另一個小食係酸辣土豆絲，食親川菜都少不了要嗌番個土豆絲，因為好鍾意一絲絲爽脆嘅口感，同埋逄係薯仔嘅料理，我都鍾意食~~ 如果呢個叫麻辣土豆絲嘅話，我覺得好好食，因為食落夠麻，同帶點微辣，不過佢叫酸辣土豆絲，酸辣味就唔覺有喇下一個小食都用辣椒炒嘅蔬菜，就係川式炒萵荀，個人好鍾意食萵荀，因為同土豆絲一樣，有爽脆嘅口感，而煮耐啲就會變淋，除咗辣椒之外，呢道菜仲加咗好多蒜蓉同洋蔥爆香，所以有辣味之餘，仲有陣陣蒜香主菜就要咗個紙包牛肉，員工會係上枱時用鉸剪剪開牛油紙，之後就會露出勁大量嘅紅椒，唔食辣嘅人，見到都可能冒汗啊，一聞仲可以聞到香噴噴嘅椒香味，用筷子尋一尋寶，就可以見到牛肉片，由於係爆香之後，有少少煙燻、焗焗嘅效果，所以牛肉比較乾身，但係肉都係