翠林辣蟹舫

Open Now

Now Closed

太耐無得晚市堂食，唯有throwback下舊相，早個幾月前秋風起係食蟹季節，於是就同朋友去左呢間出名食蟹嘅翠林辣蟹舫過一下蟹癮！避風塘香辣蟹先係見到個擺盤已經feel到個氣勢，蟹鉗有拳頭咁大，而且食落啖啖厚身嘅蟹肉，蟹肉又夠晒鮮甜，加上避風塘炒法好有鑊氣，食落超級惹味，食到停唔到口！黃金流心蝦球聽到黃金呢兩個字都感受到係邪惡，但同樣代表會好味！呢個蝦球咸蛋黃香就不在話下，蝦球亦相當彈牙，而且又唔會炸得好油膩。特別一提旁邊有個酸酸甜甜嘅沙律，食完蝦球食返啖沙律可以去下熱氣。潮式酸菜魚平日出面食嘅酸菜魚質素都可以幾參差，而呢個係意外地不錯，首先魚肉厚身而嫩滑，湯底酸辣適中唔會太咸，亦都煮得入晒味，最尾仲忍唔住飲左幾啖湯底。燒乳鴿乳鴿又係以非一般嘅擺盤送上來，店員先俾我地影完相，轉頭再幫我地切件。呢隻乳鴿嘅size都唔算迷你，啖啖肉之餘亦都燒得好香，表皮燒得香脆，肉燒得香而唔乾，估唔到海鮮而外嘅料理都做得相當出色。