薔紅

Open Now

Now Closed

一直都想去幫襯這裡的招牌燒雞，聞說以前夏蕙姨也是常客，她也特別❤️這兒的燒🐔。其實今年農曆年初五上過去，點知摸門釘。今日5.1，一於拉老公一齊去擦雞雞吧！去到時大約十二點，不用等位（可能因為天雨🌧️關係，少咗人出街。）看了一陣餐牌，決定叫一份燒雞午餐及一個黯然消魂飯（因餐牌上寫住Must Eat)，於是都想試吓。只雞一上枱，好吸睛。因為燒得好靚（金黃色），一邊切一邊冒煙，真係剛剛燒起，熱騰騰好好味。🐓🐓皮薄多汁又嫩滑，真係不錯，個薯仔沙律也好好味！至於個叉燒蛋飯，個蛋比叉燒出色。個叉燒塊塊都厚切，吃時口感好好，但嫌它有點兒瘦。不過整體不難吃（但又不能稱得上叫「好吃」）。整體來講，是次用餐都幾滿足。食物质量幾好，而且收拾枱面的阿姐成日唔該前唔該後，都幾寬容。不過，請注意：這裡是從地面步行上一層才到達的茶餐廳。我相信沒有電梯上去。如攜同老人家👵🏻👴🏻或坐輪椅的人士，應該不太方便。