Video
Read full review
2023-07-15
24 views
🌟餐廳：蘇媽.蘇媽📍地址：沙田沙田正街18號新城市廣場一期1樓107號舖💰價位：～$50 - $100⏰營業時間：星期一至日 11:30 - 22:00📱電話：2882 8371難得今日準時收工，一於就約埋媽媽近近地食埋晚飯先返屋企~我哋兩個都想食滋補養生既肉骨茶，即刻就諗起最近進駐沙田既「蘇媽.蘇媽」，一於去朝聖下先~———————————————————🔹招牌肉骨茶-皇帝骨 (每日限量20份)晚市時間好快就賣哂嘅2-3人份量招牌肉骨茶-皇帝骨係必試之選！份量十足，材料超豐富，有超過10件肉骨，肉質軟淋又入味，湯底藥材味道又夠香濃，配料加入杞子、豆卜及冬菇及，夠哂滿足~餐廳仲配埋醬油、辣椒粒及蒜蓉，搭配皇帝骨黎食，更加惹味~———————————————————🔹福建炒蝦麵(伊麵)鑊氣十足~用料以大蝦仁、魷魚為主，加入特制醬汁及伊麵炒香，味道夠濃郁，好出色~每條伊麵都索盡海鮮及醬汁精華~———————————————————🔹似水榴槤 及 椰汁班蘭冰飲品我地就揀左兩款特色冰類，賣相好精緻~似水榴槤加入大量榴槤肉，榴槤控必試~椰汁班蘭冰入口香甜，配搭埋椰奶，入口夠滑順~————————
📍地址：沙田沙田正街18號新城市廣場一期1樓107號舖
💰價位：～$50 - $100
⏰營業時間：星期一至日 11:30 - 22:00
📱電話：2882 8371
難得今日準時收工，一於就約埋媽媽近近地食埋晚飯先返屋企~我哋兩個都想食滋補養生既肉骨茶，即刻就諗起最近進駐沙田既「蘇媽.蘇媽」，一於去朝聖下先~
———————————————————
🔹招牌肉骨茶-皇帝骨 (每日限量20份)
晚市時間好快就賣哂嘅2-3人份量招牌肉骨茶-皇帝骨係必試之選！份量十足，材料超豐富，有超過10件肉骨，肉質軟淋又入味，湯底藥材味道又夠香濃，配料加入杞子、豆卜及冬菇及，夠哂滿足~餐廳仲配埋醬油、辣椒粒及蒜蓉，搭配皇帝骨黎食，更加惹味~
———————————————————
🔹福建炒蝦麵(伊麵)
鑊氣十足~用料以大蝦仁、魷魚為主，加入特制醬汁及伊麵炒香，味道夠濃郁，好出色~每條伊麵都索盡海鮮及醬汁精華~
———————————————————
🔹似水榴槤 及 椰汁班蘭冰
飲品我地就揀左兩款特色冰類，賣相好精緻~似水榴槤加入大量榴槤肉，榴槤控必試~椰汁班蘭冰入口香甜，配搭埋椰奶，入口夠滑順~
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳地點超方便~食物以傳統馬拉菜為主，主打招牌肉骨茶及各款馬來西亞小食，選擇種類夠哂多，值得一試~
Post
