雖然係下午茶時間, 都要等下位, 大概10 分鐘到就可以入座。
到我地個陣係嗌左2 張2人台的, 人地入先, 佢地坐左係卡位, 另外安排我地坐bar 台的。
侍應(疑似老闆娘)見到我係大肚, 就問坐唔坐到? 因為坐bar 台係坐個種高凳的。
我都未答佢就已經去左問之前個2個人可唔可以調一調位。 呢方面我覺得佢地服務幾好。
店內環境都幾細, 所以卡位係2 人坐一邊的安排。
我叫左九州拉麵(豬骨湯) $63, 老公叫左博多拉麵,(豬骨湯) $56 其實我地都不太知道2 種的分別。
湯底較清, 沒有很濃的豬骨湯味, 不太理想
。
拉麵軟硬度合乎我標準, 落單可以選擇軟硬度的, 不過我沒想到特別指明。
叉燒普普通通, 沒有很鬆化, 也沒有特別鞋口。
配菜多元化, 沒有不吃的理由。
另外有加玉子, 不冷不熱。
吃完整個麵, 喝了湯, 其後也沒有很口渴的情況, 應該沒有什麼味精, 抵讚
整體普普通通, 一般, 沒有再特地去吃的理由。
