Video
Read full review
2016-10-29
1013 views
呢次係第一次食omakase，揾到入元朗食係因為睇過網上介紹，知道係新店開張。半個禮拜前訂位，同朋友一行二人，前一日有call我confirm booking。前設講完入正題。食物: 基本上餐廳只設omakase 你揀食幾多件同價錢就ok la. 食材非常新鮮，雖然食午市但係質素都好高，伴碟嘅開胃漬物都唔錯wasabi淮山好食。印象深刻嘅款式有 石"湖"貝（師傅加上青檸，黑椒，豉油嘅配搭好正），秋刀（好肥美），托羅（入口溶化，無根，唔會一啖油），海膽（鮮，甜）。我最欣賞係舊飯握得好好(by HK standard)，size大小適中，揸上手唔會爛，入口就鬆，一口啱啱好，而且魚生大少同舊飯嘅比例非常適中。小弟終於第一次食到江戶前壽司嘅空氣飯覺得真係好正。 *題外話，試過係朋友推介下去過銅鑼灣一間食$3xx 12見壽司既lunch，因為我想試空氣飯，點知上到嚟係魚生包住一條飯，冇錯係一條唔係一舊 *服務： 服務我覺得有五星級，師傅份人有少少cool但係我哋都傾咗幾句。本身叫咗12件$380，但係因為前一晚食錯嘢搞到我有啲濟，食咗七件之後我驚會食唔晒12件，同左師傅講。純粹唔想
前設講完入正題。
食物: 基本上餐廳只設omakase 你揀食幾多件同價錢就ok la. 食材非常新鮮，雖然食午市但係質素都好高，伴碟嘅開胃漬物都唔錯wasabi淮山好食。印象深刻嘅款式有 石"湖"貝（師傅加上青檸，黑椒，豉油嘅配搭好正），秋刀（好肥美），托羅（入口溶化，無根，唔會一啖油），海膽（鮮，甜）。我最欣賞係舊飯握得好好(by HK standard)，size大小適中，揸上手唔會爛，入口就鬆，一口啱啱好，而且魚生大少同舊飯嘅比例非常適中。小弟終於第一次食到江戶前壽司嘅空氣飯覺得真係好正。 *題外話，試過係朋友推介下去過銅鑼灣一間食$3xx 12見壽司既lunch，因為我想試空氣飯，點知上到嚟係魚生包住一條飯，冇錯係一條唔係一舊 *
服務： 服務我覺得有五星級，師傅份人有少少cool但係我哋都傾咗幾句。本身叫咗12件$380，但係因為前一晚食錯嘢搞到我有啲濟，食咗七件之後我驚會食唔晒12件，同左師傅講。純粹唔想辛苦自己，已經準備好俾全費食少啲。不過師傅好好咁幫我轉咗做10件，收平少少。我都有少少surprise。服務員都好貼心，見我朋友用左手就幫佢轉返筷子座嘅位置。
環境：樓底高，全吧台，落地玻璃用布隔一隔令陽光充足但係又環境舒服，廁所都好靚，設計得唔錯。最高峰坐左～10個人但係完全唔覺得嘈
以300／400蚊 可以食到omakase 重要係有質素嘅，我覺得入到元朗都抵。呢頭食完已經同朋友講緊幾時再嚟食好。希望可以繼續保持住個質素。
PS. 要雞蛋裡挑骨頭就係師傅無係壽司同壽司中間抹碟，不過我今次無影響到啲壽司。
Post