Ching Burger (Closed)

喺西營盤附近做完野，因為疫情嚴重本來想食埋飯先返屋企，而家唯有轉外賣，見倒師兄漢堡嘅burger唔貴就試下。


師兄漢堡係一間專賣漢堡嘅小店，店入面只有兩張枱，主要都係做外賣生意。

佢地嘅menu好簡單，漢堡有六七款揀，可以散叫，亦可以加$20轉套餐，會有埋小食同飲野。

鴛鴦燒賣(跟餐加$20連汽水) - 燒款有柚子同麻辣兩款味，燒賣有炸過，外皮脆脆地但又唔會太硬，中間幾彈口，兩款味我比較鍾意柚子汁，酸酸甜甜幾開胃。

鴛鴦燒賣

麥樂雞(跟餐加$20連汽水) - 麥樂雞一客有五塊，炸漿唔會太厚，肉質幾腍，同連鎖快餐店嘅差唔多。

麥樂雞

新鮮西檸雞扒漢堡伴焦糖洋蔥($58) - 麵包有烘過，唔會太腍，以中式西檸雞扒黎做漢堡，酸酸甜甜甜估唔到都幾夾，雞扒唔會太鞋仲好juicy，值得一試。

新鮮西檸雞扒漢堡伴焦糖洋蔥

$58

新鮮西檸雞扒漢堡伴焦糖洋蔥

$58

經典美式安格斯牛漢堡($68) - 麵包同樣有烘過，牛肉目測有1cm厚，幾juicy肉質唔會太鞋，最值得一讚係佢地嘅burger比出面落左更多生菜，連番茄都有兩片，食落會咁乾。

經典美式安格斯牛漢堡

$68

經典美式安格斯牛漢堡

$68

跟餐有幾款汽水揀，如果唔飲汽水，亦可以再加錢轉其他無糖飲品，左邊係冷泡白牡丹(加$5)，茶味唔會太澀。

1

總結，burger款式雖然唔多，但中西合壁款式幾特別，價錢唔貴，性價比高。