Outback Steakhouse (分域街) (Closed)

今日接男朋友放工，去左附近嘅outback。一直覺得outback嘅combo幾抵食。今次嗌左牛扒加豬仔骨combo，再加份炸洋蔥，夠兩個人食。首先黎嘅炸洋蔥，八十幾蚊，份量夠4人，兩個人食唔完。炸得好鬆脆，洋蔥又夠熟，幾甜幾好食。值得一讚嘅係我地麻煩地要分開兩份打包，侍應好細心幫我地用盒分開，仲每份整左盒醬，最後用袋裝住，好周到！牛扒五成熟，幾厚又多汁，幾有牛肉味，豬仔骨嘅肉味唔突出，俾調味料蓋過。配菜好一般，個飯冇咩味。食扒黎講埋單唔算貴，環境清靜，食物夠飽，唔錯。