我食檬粉+生牛肉（食越南粉當然要食）+祕製豬軟骨+唐生菜+牛骨湯底。成碗粉幾清，唔油膩，好岩我心水，我仲加哂d辣椒+青檸+配菜落去，越南風味出哂黎！味道幾好！我最推薦祕製豬軟骨！因為有肉味得黎，又炆得好冧！唔會有過多既調味料！生牛肉肉質幾易咬，湯底亦足夠熱令生牛肉變熟！
另外小食方面，我食左炸春卷，味道ok! 雞肉串燒，唔會好油，個醬係精華所在，將雞串味道提升！另外仲食左燒帶子明蝦涼拌茄子，蝦幾爽口，帶子都唔錯！
另外，叫左杯椰青特飲，走甜，有好多椰肉😋
總結，食物唔會油膩，岩我口味，性價比高！😋
環境都光猛乾淨，服務員態度好，可以encore!
