吉壽日本料理 (Closed)

在朋友介紹下到來食放題。好大間的日本餐廳，又大又新淨，感覺衛生舒適。這本厚厚的"點心紙", 款式應有盡有，刺身，特式壽司，火焰壽司，手卷，燒物，炸物，飲品，甜品，選擇多到不得了！主角率先上場！冒煙的刺身~~~刺身船種類繁多，任君選擇。三文魚、甜蝦、帆立貝款款出色鮮甜。雖然點了不算多刺身，但都用了大冰碗盛著，乾冰煙由可愛貓頭鷹冒出，好可愛呢！各壽司的配搭都很特別及新穎，手卷亦的的骰骰的，適合淺嚐每一款而又不會那麼快便飽肚！炸物都好好味呀，羊架，雞翼，紫薯波都大愛呀！羊架鮮味香濃又唔騷，雞翼外脆內嫩，紫薯波的油炸味加上紫薯的香甜，令小妹一點再點呢！至於飲品，嘩！多到呢！幾個大雪櫃一排過，總有幾款啱口味！不得不讚甜品區，日本放題來說，它的款式真是多不勝數，唔止雪糕雪條糯米糍，還有很多手製甜品，精緻美味！仲有迷你豆腐花，扁身的包裝，好得意！呀！仲有仲有要提的，是軟雪糕機呀！可自行選擇雲呢拿，士多啤利，或扭紋味，加配朱古力豆，爆珠，彩色條等等，好玩又好食！總括這是間高水準又抵食的日本放題餐廳，想食放題的，可毫不猶豫地選擇它喔！