Video
Read full review
2021-10-25
88 views
第二次試呢間印尼菜喇！真係尖沙咀數一數二性價比好高嘅餐廳！大推大家去試下！😆環境舒適、寬敞，朝頭早去仲有日光照入嚟，暖暖哋好舒服。主色調為灰、白，以金色作點綴，感覺真係好寫意。同兩個朋友去食午餐，叫咗兩個飯一個bagel，份量啱啱好！巴東牛展肉飯（$68）🐮雖然寫話係辣嘅，但係食落唔太辣，只有喺舌尖感覺都微微嘅辣味！所以唔食辣嘅朋友都不妨試下！牛展肉好腍，亦都唔會騷，同個醬好夾，甜甜哋鹹鹹哋咁～仲有兩條秋葵，啱晒注重健康嘅朋友！沙嗲炒豬肉飯呢個飯已經係第二次食！沙嗲汁真係太好味😋🤤 配埋豬肉絲送飯一流！成個飯好足料，成碗有一半都係餸！洋蔥亦加入咗一陣香味喺個飯度，令成個飯更上一層樓！😍峇里式燒豬比高（$54）唔記得影相📸 😂 不過賣相同menu出入不大，bagel嘅表面好脆，夾住豬肉同生菜等餡料有啲似食緊印尼版嘅subway🤣 味道一般般，覺得大家可以試咗其他招牌菜先～最後埋單每人$60 💰喺尖沙咀嚟講真係好抵！重要唔洗加一！另外推薦咖央多士，上一次食嘅時候試過，好香椰子味，外脆內軟！而且賣相好靚好特別！大推！
環境舒適、寬敞，朝頭早去仲有日光照入嚟，暖暖哋好舒服。主色調為灰、白，以金色作點綴，感覺真係好寫意。
同兩個朋友去食午餐，叫咗兩個飯一個bagel，份量啱啱好！
不變•招牌巴東牛展肉飯
$68
3 views
0 likes
0 comments
巴東牛展肉飯（$68）🐮
雖然寫話係辣嘅，但係食落唔太辣，只有喺舌尖感覺都微微嘅辣味！所以唔食辣嘅朋友都不妨試下！牛展肉好腍，亦都唔會騷，同個醬好夾，甜甜哋鹹鹹哋咁～仲有兩條秋葵，啱晒注重健康嘅朋友！
印尼沙嗲炒豬肉飯
7 views
0 likes
0 comments
沙嗲炒豬肉飯
呢個飯已經係第二次食！沙嗲汁真係太好味😋🤤 配埋豬肉絲送飯一流！成個飯好足料，成碗有一半都係餸！洋蔥亦加入咗一陣香味喺個飯度，令成個飯更上一層樓！😍
峇里式燒豬比高（$54）
唔記得影相📸 😂 不過賣相同menu出入不大，bagel嘅表面好脆，夾住豬肉同生菜等餡料有啲似食緊印尼版嘅subway🤣 味道一般般，覺得大家可以試咗其他招牌菜先～
最後埋單每人$60 💰喺尖沙咀嚟講真係好抵！重要唔洗加一！另外推薦咖央多士，上一次食嘅時候試過，好香椰子味，外脆內軟！而且賣相好靚好特別！大推！
Post
