Video
Read full review
2024-03-20
1331 views
📍九龍灣牛頭角道3號得寶商場地下A7號舖💰人均 230 HKD (晚市)今晚就約埋一大班朋友一行十一人來到九龍灣得寶商場嘅《王朝潮順館》食潮州菜，之前身邊嘅人同埋自己都來過呢間食過幾次。《王朝潮順館》總共有兩間分店，均設於九龍區，第一間係大角咀店，到上年再擴設營業至九龍灣。《王朝潮順館》由開業至今一直都好評如潮，食過幾次質素一樣咁高。我地book左七點鐘枱，坐低左一陣餐廳都開始人山人海。店員人手略顯不足，但佢地服務態度依然友善快手。~~~~~~~~~~~~食物介紹~~~~~~~~~~~~🤩薑蔥桶蠔(HKD 238) 相片中係兩份份量呢個係朋友order嘅，店員有講到一份大慨只有6-8隻，所以我哋就叫左 2份。上到枱一打開煲蓋，色香味俱全，夾起手每隻蠔都有份咁上下大隻。師傅手勢好，並無煮到水汪汪，亦無overcook煮到啲蠔縮水。味道出色，食落無腥味，調味剛好，無掩蓋到豪蠔鮮味。🤩王朝特色鵝肝(酒香版)(HKD 228/ 1份) 呢到嘅其中一樣必食招牌作《酒香鵝肝》，我本人第一次食完亦回味無窮，鵝肝生熟程度恰好，非常粉嫩，咬落再食到有啖啖嘅酒香。推薦大家來到一定要叫份試下，佢地提供半/全
💰人均 230 HKD (晚市)
今晚就約埋一大班朋友一行十一人來到九龍灣得寶商場嘅《王朝潮順館》食潮州菜，之前身邊嘅人同埋自己都來過呢間食過幾次。《王朝潮順館》總共有兩間分店，均設於九龍區，第一間係大角咀店，到上年再擴設營業至九龍灣。《王朝潮順館》由開業至今一直都好評如潮，食過幾次質素一樣咁高。
我地book左七點鐘枱，坐低左一陣餐廳都開始人山人海。店員人手略顯不足，但佢地服務態度依然友善快手。
~~~~~~~~~~~~食物介紹~~~~~~~~~~~~🤩薑蔥桶蠔(HKD 238) 相片中係兩份份量
呢個係朋友order嘅，店員有講到一份大慨只有6-8隻，所以我哋就叫左 2份。上到枱一打開煲蓋，色香味俱全，夾起手每隻蠔都有份咁上下大隻。師傅手勢好，並無煮到水汪汪，亦無overcook煮到啲蠔縮水。味道出色，食落無腥味，調味剛好，無掩蓋到豪蠔鮮味。
🤩王朝特色鵝肝(酒香版)(HKD 228/ 1份) 呢到嘅其中一樣必食招牌作《酒香鵝肝》，我本人第一次食完亦回味無窮，鵝肝生熟程度恰好，非常粉嫩，咬落再食到有啖啖嘅酒香。推薦大家來到一定要叫份試下，佢地提供半/全份嘅份量俾大家叫。
🤩滷水三拼(墨魚，大腸，鵝腎) (HKD 168)🤩王朝滷水鵝片 (HKD 228)
來到潮州菜館點可以唔食滷水嘢，所以鵝片同拼盤每樣各叫一份。兩道菜份量都好夠，我地11個人食都無問題。個滷水汁好出色，唔會太油太重味，每樣食材都滷得好入味。鵝片食落啖啖肉，十分滋味，唯一要挑剔只係唔夠嫩。比起鵝片，我更喜歡個拼盤，墨魚鵝腎夠爽口，大腸夠乾淨無異味，因為滷嘅時間足夠，食落一啲都唔un同埋夠曬入味，非常出色。
🤩潮式凍烏頭 (HKD 168)打冷必食嘅點少得凍烏頭，烏頭好鮮甜，一啲泥味都無，凍食開胃。
🤩蠔餅 (HKD 128)蠔餅香脆，但唔會過份油膩，入面蠔仔嘅份量十足，唔會食麵漿多過食蠔。
🤩地瓜香芋丸 (HKD 68)🤩炸奶卷 (HKD 78)
最後點少得叫啲甜品，呢兩款甜品每份都各只有六粒，所以我哋每份都分別叫兩份。炸鮮奶調味恰好，唔會太甜，但略厭油左dd同埋唔夠滑。相比之下，個金瓜芋圓球就更出色，餡料夠足，但唔會太甜，外層咬落香脆，成粒食落都唔會太甜太油膩，同枱嘅朋友都大叫讚好。
#####當晚其他叫左一樣出色嘅好西#####
🤩香辣魚皮 (HKD 68)
🤩蠔仔粥(HKD 98)
🤩冰鎮咕嚕肉 (HKD 188)
🤩海蜇拼牛展(HKD 78)🤩蒜蓉炒西蘭花 (HKD 88)
~~~~~~~~~~~~~~~~~~~~~~~~~~~~~~
👨👩👧👦適合一家大細，成班朋友聚會來食
😋喜歡潮州菜及小炒嘅朋友一定要來試下
💰性格比十分高
🤵服務非常好
⚠️溫馨提示，建議大家來之前訂定位，同埋睇定食咩，訂位時留定菜。
Post
