一鍋堂 (大鴻輝(荃灣)中心) (Moved) New Location

2個人係落雨天諗唔到食乜，就一定係話打邊爐！所以我地今次黎左位於荃灣既一鍋堂，門面既16種湯底已經令人花多眼亂，仲有時會有季節限定，所以大家記得留意下啦！我地6點黎到以為實有位，點知都要等到7點先有得入座，2.5鐘既任食邊爐，完全滿足香港人任飲任食既心態！我地今次簡左馬來喇沙湯底，配埋豆腐真係一流。餐廳比較特別既係用手機落單，所以對於比較年長一輩可能唔太方便啦。而用手落單之後基本2分鐘內，食物一定送到，超快手又無漏單，值得一讚。而食物亦都非常新鮮，不過種類就略微少左啲啲，但對於追求食物質素同新鮮程度既我，就十分滿意啦！