蜀府川鍋 (Closed)

今日同爸爸媽媽去咗油塘大本營附近搵到呢一間食蒸氣鍋嘅餐廳。呢間餐廳係工廠區裏面不過就好近地鐵站，喺A2出口一出行一條斜路就到。喺餐廳外面掛咗好多個紅色燈籠，好有中國嘅氣息，配合返佢餐廳係食川菜嘅主題。但意想不到呢度嘅海鮮蒸氣鍋都好出色。我同阿爸阿媽點左一個四人海鮮鮑魚雙層蒸氣塔＄499， 而𥚃面已經包含咗每人半邊龍蝦，一隻鮑魚，顯，石斑，元貝，大蜆，花雕醉雞，已經非常之豐富價錢亦都好抵。未食海鮮之前首先送咗一疊花椒皮蛋俾我哋，個金色嘅皮蛋非常之好食，個心非常之滑同埋軟林林同埋嗰個麻辣汁亦非常之香，仲要係免費嘅。海鮮鍋到啦，非常之豐富海鮮亦都好新鮮。龍蝦非常之大隻睇吓佢隻鉗已經知。鮑魚好新鮮好鮮甜，嚟到嘅時候都仲係識郁嘅。元貝非常之大隻，我哋加埋啲龍躉一齊落去蒸，要食到海鮮嘅原味。好靚嘅龍躉。花雕醉雞非常之嫩滑，係黃油雞來，非常之嫩口隻雞好重雞味。我哋再叫咗啲嘢飲，唐山菜同埋響鈴，而成餐飯都只係660幾蚊，三個人可以食到咁多海鮮真係非常之抵食。