287
12
11
4-min walk from Exit A1, Yau Tong MTR Station continue reading
Telephone
23796806
Introduction
The Sichuen's hotpot here is very popular as it is spicy and it gets large amount of seafood, especially, lobster! continue reading
Opening Hours
Today
17:00 - 03:00
Mon - Sun
17:00 - 03:00
Number of Seats
120
Other Info
Online Reservation
Open Till Late
Alcoholic Drinks
Phone Reservation
Reward Dining Points
10% Service Charge
TV Broadcast
About Reward Scheme
Review (324)
Level4 2019-07-18
887 views
七點幾收工趕去油塘倉庫拎件,太肚餓,乾脆決定喺附近食埋嘢先返屋企。Openrice見到lee間打邊邊好似幾正,決定一試。見到餐廳門口有幾個大玻璃缸,有不少生猛海鮮,象拔蚌、鮑魚、龍蝦及多種貝類海鮮,令我哋對海鮮雙層蒸汽塔套餐充滿期待。見到食評有不少人推介海鮮鮑魚套餐,我們也order了兩個一人餐,畢竟時間不早,不能吃太多。另外加咗$48要一盒海膽。打邊爐當然少不了啤酒🍻。相比藍妹,青島性價比更高,前後order咗兩支。落完order,職員會推一架車仔過來,自助式調製火鍋配料。Set好雙層蒸汽鍋,食物都陸續送上。餐前小食綠茶芋茸餅,外脆+煙韌內軟嘅質感,芋頭控肯定會鍾意。雖然綠茶味幾淡,但芋泥好香,加上出面嘅芝麻增加咗口感。不過件餅比較油,餐廳貼心地舖了一層椰菜絲喺底吸油。我哋將蟲草花蒸🐔放咗落d湯底度,可以快d熟之餘,啖湯都會香濃d;而條沙巴龍躉仔,我哋打算食完海鮮,落米🍚嘅時候先放。二人份量嘅海鮮拼盤,份量睇落都唔少。最搞笑嘅係,開咗邊嘅龍蝦仲可以yuk下yuk下,搞到我哋誤以為係烏蠅😂未食已經笑餐飽~油花分布均勻,肉質特別香嫩,食起身口感軟嫩不油膩。好彩order咗中size,兩個人食份量都唔細。大蜆,簡單之餘頗難得。每一隻都冇沙,雖然沒有特別調味,清蒸,直接食到有幾新鮮。蒜蓉粉絲蒸元貝,很經典的處理,蒜蓉香與元貝的鮮甜相得益彰。蒸熟咗嘅鮑魚都大過隻羹!爽口彈牙冇得輸吖~壓軸食嘅海鮮當然係龍蝦啦~好多膏,師傅有稍為敲打🔨過d殼,d肉都好容易拆出來,又爽又鮮甜,一人份只有半隻,唔夠喉~ 雖然中間都係湯底任加,但為免無法專心享用海鮮,要定時攪拌d米,我哋係食到一半先落米,用吸收曬海鮮d精華嘅湯來煮粥,鮮味又飽肚,又有潮汕風味。加埋d海膽,鮮味又再提升。😋酒水連加一都只係$300左右一個人,工廠區優勢吖~ continue reading
(The above review is the personal opinion of a user which does not represent OpenRice's point of view.)
今日同朋友喺油塘附近做完瑜珈,打算喺附近食個晚飯,突然醒起依間餐廳嘅海鮮好抵食,就帶埋都係海鮮精嘅朋友去食啦。之前食過餐廳嘅荷葉雞海鮮套餐,今次就試吓海鮮鮑魚蒸氣塔套餐!$168一位,實在非常抵食!揀咗瑤柱鮮竹排骨粥底。另外再加咗乾撈擔擔麵$34同香煎墨魚餅$88。職員非常好客,好仔細地介紹食材同各海鮮蒸嘅時間。醬料亦好多選擇。等海鮮蒸嘅過程就可以先食小食。香煎墨魚餅$88口感彈牙,配醋食非常開胃。乾撈擔擔麵$34味道不強烈帶微辣,不錯喔。砂巴龍躉&蟲草花蒸雞龍躉肉厚又少骨,而蟲草花蒸雞好嫩滑!雞味濃且肉質紮實!而海鮮精嘅我哋當然最期待海鮮,蒜蓉粉絲蒸大元貝非常大隻,味道鮮甜。大蜆皇新鮮爽口。鮑魚更加係活鮑魚,可以見到佢仲識郁,蒸熟後見到鮑魚非常厚身有咬口!非常好味!而我最鍾意嘅龍蝦當然留返最後食,新鮮嘅龍蝦果然清甜彈牙,而且仲有唔少嘅膏。煮晒海鮮之後個粥底已經煮好,而且吸收晒海鮮嘅鮮甜,而我落咗一啲龍蝦嘅膏落粥一齊食,好好味!最後仲有綠茶芋蓉餅作甜品,表面鬆脆,內裹鬆軟,不錯!最後只需人均$274就食到又新鮮又抵食嘅高質海鮮!一定一定會再幫襯! continue reading
(The above review is the personal opinion of a user which does not represent OpenRice's point of view.)
一大班同事打邊爐,同事提出三個要求,分別係坐得耐,食物新鮮,價錢平,要搵到符合呢三個要求嘅餐廳,認真唔簡單,千辛萬苦之下,搵到呢一間蜀府川鍋,食過之後,大家都滿意餐牌四個人,叫咗一個四人海鮮蒸鍋, $559嘅4人餐,價錢認真唔貴,除咗海鮮鍋,呢間餐廳仲有得食粥底火鍋同埋炒小菜,連雞煲都有,可以講係話包羅萬有。新鮮嘅海鮮拼盤一大盤嘅新鮮海鮮,非常之搶眼球,海鮮新鮮,鮑魚仲識郁郁動,餐廳仲會用個冰底,保持煮海鮮嘅溫度,就算放耐了,都唔怕啦,咁就可以慢慢食啦蒜蓉蒸開邊龍蝦蒸熟左嘅龍蝦,蟹鉗巨大,肉質結實爽口,清蒸嘅龍蝦食得出佢肉質嘅鮮甜,仲有唔少龍蝦糕添。清蒸大蜆皇呢隻大蜆認真不能講笑,食落充滿啖啖海水味,加上濃郁嘅蒜蓉,將鮮味無限昇華游水沙巴龍躉四人餐啱啱好有一條,肉質結實冇腥味,睇完眼就知道好新鮮,呢種size嘅魚,放落蒸鍋蒸七至八分鐘就啱啱好唔使落蔥唔使點豉油,食落仲好食嘅魚,先至係叫有質素九頭活鮑魚呢隻鮑魚肯定係活捉,因為係個拼盤同埋蒸鍋裏邊佢都仍然識郁,識落充滿口感,有咬口。蟲草花蒸鮮雞呢隻雞,我哋一半蒸一半火鍋,雞味比較濃郁,有啲似嘅走地雞,肉質比較結實蒜蓉粉絲蒸大元貝蒜蓉嘅香,加上元貝嘅鮮甜,完完全全比粉絲索晒,吸收晒所有精華,以清蒸嘅方法烹調,更能保持原汁原味一爐二用個爐設計比較實用,上層係蒸鍋,下層係火鍋,當打完邊爐之後,加入米飯,就可以主城一個吸收晒所有精華嘅粥底啦手切牛頸脊(中) $178牛頸脊牛味濃郁,入口軟熟,咬落比較鮮嫩,較淋身較易入口手打蝦滑+手打墨魚滑$88$88呢個價錢,有齊墨魚滑同埋蝦滑,實在非常之抵食,相對地蝦滑味道較濃厚,墨魚滑則咬落比較彈牙芝麻綠茶芋茸餅最後嘅呢個甜品,亦都係高潮所在,芝麻炒到好香口,食落外層香脆,芋茸唔會過甜,做到真正外脆內軟嘅口感呢間餐廳,空間感十足,枱同枱之間保持一定距離,坐得好舒服,亦都唔會趕你走價錢夠平,食物夠新鮮,抵食 continue reading
(The above review is the personal opinion of a user which does not represent OpenRice's point of view.)
Level4 2019-04-16
1224 views
今日和家人去大本型行商場,之後去了對面大廈的蜀府川鍋晚餐,吃海鮮及火鍋。原條深海活加州象拔蚌 + 原隻大蜆粥 - 今晚問店員有什麼好推介,他二話說就介紹這個優惠組口。象拔蚌是新鮮活的,作刺身生吃,極道鮮甜美味,沾上小量日式甜豉油及芥末,可提升味道層次。至於粥底火鍋,大蜆份量十足,粥底我建議上桌後先煮過半小時讓米身變軟綿才好吃,其間不妨暫當湯底先吃其他火鍋配料呢。火鍋水煮魚 - 這裡有數款魚可選擇,我們最後點了鉗魚,貪其新鮮即劏即切。由於我們當中有人不太吃得辣,所以點了小辣小麻湯底,的確大部份人也非常容易接受,至於鉗魚肉就不錯。手切極品韓牛 - 這個韓牛真的不得了,油脂適中雪花均勻,牛肉味重,放入鍋中輕煮一會即可,入口實在滋味無窮。脆炸響鈴 - 過不失,香脆可口,沾在粥底也好,放在水煮湯底個人覺得更好,當然你要吃得辣才好。自家手打四寶丸 - 相當彈牙有咬口,肉丸肉味十足,墨魚丸也出奇地好吃。整體食物錯,海鮮新鮮,火鍋湯底粥底種類繁多,有辣有唔辣,適合大班親戚或朋友聚餐。 continue reading
(The above review is the personal opinion of a user which does not represent OpenRice's point of view.)
好鍾意食蒸氣火鍋,感覺上好似冇咁熱氣,亦都食到海鮮嘅原汁原味,搵到呢一間蜀府川鍋,竟然可以用一個好實惠嘅價錢,食到新鮮嘅海鮮每位$168嘅價錢,就食到成盤嘅海鮮,都咪話唔驚喜整盤海鮮以冰底盛載,確保每樣海鮮以最新鮮嘅狀態奉上,鮑魚仲係識郁嘅添蒸熟左嘅鮑魚,非常彈牙,以龍蝦肉質非常鮮甜,配以蒜蓉嘅香味,惹味非常蒜蓉粉絲大元貝肉質雪白,上面嘅粉絲完全吸收晒元貝嘅鮮味,真係想一啖食晒落口除咗鮮甜嘅蜆仔,每人仲有一隻大蜆皇蒸5分鐘時間就啱啱好,好多鮮甜嘅肉汁,而大蜆皇食落肉質鮮嫩兩人餐仲有半條沙巴龍躉,上枱嘅時候已經切件,方便進食,魚係好新鮮嘅,因為蒸熟左嘅時候肉質結實蟲草花蒸鮮雞分量十足,蒸左一半雞,另一半用粥底滾熟,自製雞粥,令粥底更甜美叫多咗一個花雕滑牛片$58,花雕更能突顯牛肉味,每片牛肉都肉質嫩滑,色澤鮮紅再加左$48 ,要左一版海膽煮粥,加咗海膽嘅粥底,多咗一種既鮮帶甜嘅味覺感受,海膽刺身食得多,原來煮粥都可以另有一番風味啖啖海膽,鮮甜感覺爆燈芝麻綠茶芋茸餅,唔會過甜,芝麻味香芋頭味濃,係一個熱辣辣嘅甜品價錢唔貴,食材新鮮,好實惠嘅一餐 continue reading
(The above review is the personal opinion of a user which does not represent OpenRice's point of view.)