Video
Read full review
2015-08-19
1261 views
呢排成日聽到細妹介紹有間神級放題好抵食，1730～1930有85折優惠，一個人200蚊都唔洗，好抵食！！！難得放假就梗係去試試啦！平日早去已經好多人入去食～ 侍應好忙但都無待慢我地～ 仲要服務態度好好添去到見到飲品區真係咩飲品都有，果汁先生、鴻福堂涼茶都有… 放題～魚生梗係即嗌啦！三文魚刺身好厚身，魚脂分布均勻，好靚嘅魚生～ 珍寶赤海蝦同甜蝦係必食～ 甜蝦肉色澤粉嫩光鮮，新鮮程度極高，肉質爽口鮮甜，珍寶赤海蝦真係好大隻！肉厚，質感夠，入口鮮甜，回味度高北寄貝大塊爽口，刺身質素不錯熟食款式多～ 特色焗扇貝，用芝士同沙律醬去焗，但一d都唔覺得膩，好滋味，令人更想食，扇貝毫不吝嗇，大粒厚肉，推介！！！辣酒煮東風螺，螺肉大隻，唔好以為會好辣，佢係微辣惹味，唔錯ga！卷物方面，推介鰻魚芝士卷同蒜香和牛卷，鰻魚芝士卷，芝味濃，但無蓋過鰻魚嘅味道，令鰻魚食落更香更味美；蒜香和牛卷，和牛熟度剛好，牛味重，卷中嘅青瓜適度調和和牛的膩度，令卷物食落帶點清新口感，推介！壽司方面推介北海道鮮帶子同醬燒珍寶蟹棒，鮮帶子大粒厚肉，食落鮮甜，番尋味指數極高！醬燒珍寶蟹棒真係好大條，有手指咁粗，又厚肉，食落好有質感甜
呢排成日聽到細妹介紹有間神級放題好抵食，1730～1930有85折優惠，一個人200蚊都唔洗，好抵食！！！難得放假就梗係去試試啦！
平日早去已經好多人入去食～ 侍應好忙但都無待慢我地～ 仲要服務態度好好添
去到見到飲品區真係咩飲品都有，果汁先生、鴻福堂涼茶都有…
放題～魚生梗係即嗌啦！三文魚刺身好厚身，魚脂分布均勻，好靚嘅魚生～ 珍寶赤海蝦同甜蝦係必食～ 甜蝦肉色澤粉嫩光鮮，新鮮程度極高，肉質爽口鮮甜，珍寶赤海蝦真係好大隻！肉厚，質感夠，入口鮮甜，回味度高
北寄貝大塊爽口，刺身質素不錯
熟食款式多～ 特色焗扇貝，用芝士同沙律醬去焗，但一d都唔覺得膩，好滋味，令人更想食，扇貝毫不吝嗇，大粒厚肉，推介！！！
辣酒煮東風螺，螺肉大隻，唔好以為會好辣，佢係微辣惹味，唔錯ga！
卷物方面，推介鰻魚芝士卷同蒜香和牛卷，鰻魚芝士卷，芝味濃，但無蓋過鰻魚嘅味道，令鰻魚食落更香更味美；蒜香和牛卷，和牛熟度剛好，牛味重，卷中嘅青瓜適度調和和牛的膩度，令卷物食落帶點清新口感，推介！
壽司方面推介北海道鮮帶子同醬燒珍寶蟹棒，鮮帶子大粒厚肉，食落鮮甜，番尋味指數極高！醬燒珍寶蟹棒真係好大條，有手指咁粗，又厚肉，食落好有質感
甜品有好多選擇～ 嗌左楊支甘露，焦糖燉蛋，意式奶凍，芒果糯米糍，熱情果桑子餅同木槺布甸～ 焦糖燉蛋，意式奶凍，熱情果桑子餅同木槺布甸都係推介之選
焦糖燉蛋，焦糖份量厚薄適中，燉蛋多嫩滑，甜度令燉蛋更好食～
奶凍同木槺布甸質感都好幼滑～ 奶凍奶味十分濃郁～ 必推！
熱情果桑子餅酸甜口味好岩夏天的感覺，忌廉芝士作襯托，甜品的甜，忌廉芝士香加上熱情果桑子的酸甜，令人愛上呢個甜品
雪糕，當然放題唔少得，雪糕係雀巢品牌，有大腳板，不同口味雪糕杯，呍呢嗱，朱古力，芝麻等等… 都係自助任食
以咁抵價去食高質放題，難怪細妹每月黎一次，成日嗌去啦！
Post
