大都烤鴨 (Closed)

當日book佐8點食飯，7點50左右上到去，同門外負責帶位嘅姐姐講幾次book佐8點都無回應，只係有不斷望鋪內有無位置，然後默默等待佢回應之際，竟然有2檯遲過我地嘅即刻可以安排入座🤷🏻‍♀️感到匪夷所思。最後再問另一位西裝男，先帶入座😮‍💨態度有待提高！眼見有好多檯都嗌2人set，性價比算高，但奈何男朋友對蝦敏感，就唯有單嗌。手機落單顯示小籠包賣曬，但原來為留order set餐顧客，需要另外叫職員協助落單🫠但其他菜就又要自己再手機落。搞一大輪終於上菜！第一個就上香辣海鮮炒飯，炒得好好👍🏼夠乾身都好濃XO醬香辣味小籠包皮薄多湯，上檯熱辣辣，睇得出啱啱蒸好😍不過皮好薄一定要小心夾😉主角當然係片皮鴨😍$298/半隻足夠2個人食，皮薄夠油香，鴨肉都唔會太老☺️好味唯一失望係呢個香酥田雞腿。外面粉皮太厚，雖然令到田雞腿肉保持滑，但田雞肉完全無味，仲外加炸唔透嘅粉🤮$168真係浪費佐😭最後茶錢加一 兩人$900幾埋單，唔算太貴，有驚喜都有失望，不過都值得一試。