馬祖 (將軍澳廣場) (Closed)

@將軍澳好耐冇食打邊爐，上星期同我帶咗我去將軍澳嘅馬祖食養生火鍋放題。一人一鍋，我哋叫咗$223(+10%)嘅餐食120分鐘，任食Prime Grade牛肩胛肉西班牙無激素豬肉片。肉類嚟講仲有沙茶牛肉、雞脾肉同埋魚。 除此之外仲有好多丸、蔬菜同埋雪糕任食。飲品種類都好多，呢排比較凍仲有熱飲添！朋友叫咗椰子藥膳清雞湯，我就叫做藥膳台灣沙茶湯。椰子湯好清甜，沙茶湯好惹味，藥膳味唔會好濃。湯底濃郁到啲食物唔使點醬都好味。兩款肉都唔錯，厚薄適中，肉味香濃。呢度嘅丸超級多，都有十幾二十款，朋友好鍾意食啲芝士丸。最近啲蔬菜好貴，即刻喺度食多啲，連羽衣甘藍都有！雪糕雪條都有好多選擇，我都食咗唔少。有我最鍾意嘅movenpick，我仲同朋友講笑話就咁食雪糕都回到本！雲呢拿味真係好正！店員服務態度好，加湯同加肉都好快。