相馬日式火鍋 (Closed)

以前去過相馬日式火鍋嘅荃灣分店，好回味，知道佢去咗西營盤開分店，近左好多，今日又同女女食下😋新張有期間限定嘅海鮮特盛3小時放題，每位218元。湯底可以揀鴛鴦鍋，我哋揀咗甜豉油拼番茄湯。海鮮同埋特級牛肩胛都係任食，我尤其鍾意海鮮，好新鮮，大頭蝦上枱仲好生猛跳跳下，蝦頭好多糕高，好鮮甜。囡囡就主攻牛肉， 牛肩胛好高質。另外仲有日式炸物、串燒，試咗燒菠蘿，牛肉串，豬肉串，炸春捲及炸甜薯等。最後仲有milk top嘅雪糕，有牛奶味，抹茶味同黑芝麻味，口感柔滑，食完火鍋食番杯超正。