Video
Read full review
2019-03-01
109 views
天氣轉冷又想食火鍋啦。 經濟實惠好味又坐得耐啲嘅我諗到好一鍋～～ 今晚經過旺角有機會試啦。餐廳一贯平實 ，簡單嘅裝修， 七點半前離座仲只收$138 任飲任食2.5小時，真係抵到冇朋友 而且食物 質素唔係。飲品自取， 款式唔算多不過都係常飲的幾類。先調配醬料， 覺得佢嘅醬油啱啱好唔會太鹹或太甜。今次試咗椰子雞鍋， 雪白湯底清得來有淡淡嘅椰子香， 內有椰子肉同數件雞件， 唔錯唔錯！因為之前試過 其他分店， 對佢嘅火鍋料有信心所以用一個比較清淡嘅湯。牛肉也有幾款，我只是試了手切牛肉， 肉質唔錯幾滑，冇渣， 肉味濃。魚類試了魚雲， 似魚頭多， 有肉夠肥美。非常推介鱔片， 油份唔多但係好爽口， 鮮甜，細骨都已去掉，切功惦。 Encore 了兩次。另一款手打鯪魚球都非常彈牙結實， 仲混入少許果皮， 極美味。韭菜餃餡料多，鮮嫩。紫芋圓係唯一一款甜類， 甜甜嘅紫芋蓉配合 魚蛋嘅皮， 一鹹一甜好過癮！游水生蝦 隻隻新鮮彈牙 又夠大隻！牛骨髓也是我常常點選的火鍋料， 皆因自己都唔會買得到。 軟綿綿放湯煮到過熟都好好味！午餐肉絕不能少！魚皮夠脆， 大塊又夠厚。是日生猛海鮮係蜆，當然唔會錯過。果然新鮮，肉厚好
天氣轉冷又想食火鍋啦。 經濟實惠好味又坐得耐啲嘅我諗到好一鍋～～ 今晚經過旺角有機會試啦。
餐廳一贯平實 ，簡單嘅裝修， 七點半前離座仲只收$138 任飲任食2.5小時，真係抵到冇朋友 而且食物 質素唔係。
飲品自取， 款式唔算多不過都係常飲的幾類。
先調配醬料， 覺得佢嘅醬油啱啱好唔會太鹹或太甜。
椰子雞鍋
17 views
0 likes
0 comments
今次試咗椰子雞鍋， 雪白湯底清得來有淡淡嘅椰子香， 內有椰子肉同數件雞件， 唔錯唔錯！
因為之前試過 其他分店， 對佢嘅火鍋料有信心所以用一個比較清淡嘅湯。
牛肉也有幾款，我只是試了手切牛肉， 肉質唔錯幾滑，冇渣， 肉味濃。
魚類試了魚雲， 似魚頭多， 有肉夠肥美。
鱔片
24 views
0 likes
0 comments
非常推介鱔片， 油份唔多但係好爽口， 鮮甜，細骨都已去掉，切功惦。 Encore 了兩次。
另一款手打鯪魚球都非常彈牙結實， 仲混入少許果皮， 極美味。
韭菜餃餡料多，鮮嫩。
紫芋圓係唯一一款甜類， 甜甜嘅紫芋蓉配合 魚蛋嘅皮， 一鹹一甜好過癮！
游水生蝦 隻隻新鮮彈牙 又夠大隻！
牛骨髓
44 views
0 likes
0 comments
牛骨髓也是我常常點選的火鍋料， 皆因自己都唔會買得到。 軟綿綿放湯煮到過熟都好好味！
午餐肉絕不能少！
魚皮
19 views
0 likes
0 comments
魚皮夠脆， 大塊又夠厚。
是日生猛海鮮係蜆，當然唔會錯過。
果然新鮮，肉厚好鮮甜。
水魷魚都畀好大碟， 美味
鵝腸都係一大碟似有三四人份量， 我哋只有二人會有點浪費。
鵝腸爽爽地，甘香又帶少少肥膏，非常滋味！
皇帝菜整齊排好， 淥一淥放湯一流！
菜心苗都好嫩！ 粟米超甜， 腐竹每塊都完整，夠 滑溜，有豆香。 茶樹菇淥耐少少，菇味濃。蔬菜類非常滿意！
釀豆卜 估唔到好巨型， 用豬肉釀製，頗彈牙。 如果size細番D會更好。
西班牙黑豚豬
13 views
0 likes
0 comments
西班牙黑豚豬
薄薄地肉質都頗嫩滑👍👍
推介豬潤， 唔好淥咁耐，原來好嫩滑， 就好似生滾粥嗰種熱度同時間就剛剛好， 我哋竟然可以KO一碟.。😅
餐廳角落仲有個韓式乳酪機， 自己添加配料。
Quota 有限好多款式仲未試， 但係食過果啲質素真係唔錯， 賣相普通但勝在用料新鮮。
兩個半鐘時間好足夠。
餐牌仲寫咗全場免費wi-fi , 報告完畢
Post
