好一鍋海鮮火鍋專門店 (Closed)

我很喜歡打邊爐，但是一個人打邊爐很難找地方，一來價錢太貴，二來食物怕一個人吃不完。這間火鍋店九點半後有特價，$138很吸引。手切肥牛，美國肥牛，叫一碟大概有三薄片，水準中間；三寶丸是豬肉丸、鯪魚球和墨魚滑， 我覺得豬肉丸幾好食， 還有釀豆卜和牛丸可以揀；鮮蝦雲吞和韭菜豬肉餃，味道一般。 丸的選擇很多，魚皮餃、芝士腸、干貝燒、龍蝦丸、芝心丸、午餐肉、蟹子丸和蟹柳。 烏冬、即食麵、拉麵，烏冬中等。菜的選擇也很多，有油麥菜、娃娃菜、唐生菜、通菜等等。飲品也是任飲有可樂、零度可樂、忌廉梳打、檸檬紅茶、忌廉溝鮮奶。埋單，加一加乜，大概每人$160落樓， 我覺得平靚正。

又一日邊爐日。呢間已經係第三四次食，平時星期一至四係比較抵 但我地個日係星期五 所以要$195。之前食冇book都係自己一張檯 但今次book咗反而要同人搭檯。朋友間傾計並不是太方便。一張大檯分三個鍋～ 揀咗鹹菜豬肚湯D嘢食都ok 算新鮮。但有時候order嘅嘢真係太少份量了，譬如我地四個 order咗一份蜆 結果佢只比三個 or 啱啱好四個。 有個fd超鍾意食蜆 搞到佢要不同不停order🤦🏻‍♀️限時兩個半鐘 食到一個半鐘都差唔多了。總體來講 任食嘅話都幾抵～

一班老友打邊爐又唔想喺屋企開枱，出到旺角又唔知去邊落腳？好一鍋應該係大家嘅選擇，2.5小時嘅任食火鍋唔單止可以一飽口福食到滿載而歸，更可以比足夠時間大家去傾計閒聊，仲要有任飲汽水+任食乳酪雪糕，坐到2.5鐘投其所好！特別推薦大家食*海蝦*同埋*美國肥牛*！

星期日晚太疲倦，跟幾個朋友見面後決定打邊爐！但臨時決定又沒有訂位，即時想到好一鍋。其實一直以來大家都只提另一家同大廈的火鍋店，很少提這間，但我吃過兩間其實分別不大，而這間通常也不用排隊，我也不是很明白，但不緊要，可以吃就已經很開心我們一行５人，只可以選一個，便選了沙嗲湯底。他的精選海鮮是這款蜆，頗為新鮮。蝦是一定要點的！肉質彈牙沒有雪味，一流！牛肉不過不失。配菜不錯，蟹柳好食。個人十分推介這款牛蒡茶，沒有糖，打邊爐又熱氣，這款十分好！食得好，坐也不錯！

太耐無食火鍋，所以決定今晚打邊爐！係旺角，太多火鍋可以選擇，今晚決定去呢一間好一鍋！以前都食過，覺得唔錯所以再返黎食過🤤🤤🤤今次叫左沙嗲湯底，味道唔錯，唔會太咸，可惜沙嗲味唔夠濃最鐘意係到食海鮮，海蝦彈牙夠新鮮，蜆都算大隻，而且無沙，好好味牛肉正常水準，唔算太肥，但係可能雪得太耐，有啲結左冰痴實左隻碟羊肉好重羊肉味，我個人黎講就麻麻地豬頸肉好爽滑鵝腸夠肥彈牙，滾左3分鐘就食得，仲要無點縮水，一流🤤🤤今次個敗筆係粟米壞左有怪味☹️☹️☹️其他都無問題食物好多選擇，係旺角呢個價錢同質素，我覺得係非常唔錯的另外仲有雪糕同過十款汽水飲品，好多選擇👍🏻👍🏻

7月10日因為下雨即日改訂這火煱店。MK我不常來(太太太多人嘛), 手機當羅盤, 找到大廈, 一眼已兒到指示往電梯完全沒難度。訂了18:30入座, 抵達只幾枱客。環境尚算寛裕 (最怕迫又窄火鍋店)。3人坐卡座 , 亦非常舒適飲品任飲選擇算多(酒精類另計...公平吖!)甜品得雪糕,略嫌少了點...老闆添d啦唔該點了單底 椰子鷄鍋 (3人只可點一底咋)唔錯嘅… 色香味齊! 混醬也很衛生, 每枱一列任混。混完侍應會取走。食物基本種類有齊 牛羊豬鷄魚內藏菜類丸子... 幾鮮。牛肉片, 漿爆肉丸, 九肚魚 響鈴亦正 羊有少少騷是正常吧 海鮮有蝦蜆等 都新鮮找數每會唔做180蚊, 朋友大呼 好抵!可以再encoreps.女厠叫做可以接受, 唔係太太核突污糟咁囉

今日同一班波友gathering，朋友提議嚟呢間食火鍋放題，再訂一間房，我哋都有成八九個人，訂房嘅話要加$300 total，咁多個人除翻都冇乜所謂嘅。我哋九個人好似包兩個湯底,但張枱有三過爐喎，第三個湯底要自己價錢,冇所謂啦我哋照加，咁樣唔使坐得甘迫，火鍋料都OK嘅，都有幾多海鮮嘅,有鱔片有脆肉鯇有蝦,牛肉都幾好過得去嘢，飲櫃任飲都有竹蔗茅根之類，但好似唔見有啤酒喎。唯一少少投訴嘅就係佢調味架，辣椒粒唔係用新鮮辣椒所以唔夠辣。埋單大約每人$200倒都算係幾抵玩啊。

之前去了幾次佐敦店，今次諗住再去，點知佐敦店已結業，可能同業競爭太大。這是一間好好的火鍋，所以不得不出文章讚一讚，希望更多人支持。好一鍋環境都幾寬敞，坐卡位特別舒服。重點係食物選擇很多，而且好新鮮。丸類唔會雪到變冰變硬，魚皮餃/雲吞皮是係軟熟的。海蝦/魚皮餃/豬肉丸推介。178 可以食2.5 個鐘，超值。

根本上價錢反映一切，食物質素欠奉。純粹是價錢上大堆頭，服務質素窄窄地（簡單講是無）。如搵個地方食下野吹下水，個人無意見。但要求食好野，唔好意思，佢是絕對俾唔到。

今晚係我食咁多間和咁多年火鍋店，最嬲的一晚！呢間火鍋店啲派位職員態度差，又串咀😤😤😤而且眼見門面和玻璃都不是太乾淨，地下就😣😣😣。無食！怕咗佢地，所以就＂走＂🏃‍♂️🏃‍♂️🏃‍♂️重要係九秒九果隻至於尊貴讀者們，去與否之後，及用歺後唔好對我作出抨擊，因為以上是個人意見，只作參考🧐🧐。

同朋友食晚飯但又唔知食咩好，所以就揀左任飲任食既火鍋店，平靚正。又有2小時可以慢慢食，飲下酒傾下計。火鍋第一樣嘢一定係揀湯先啦， 佢哋呢度嘅湯底係好多選擇總共有十個， 花雕醉雞鍋 ，香茜皮蛋鍋， 四川麻辣鍋 ，泰式冬陰功鍋，馬來沙嗲王窩，泰國椰子雞鍋 ，鮮茄薯仔牛尾鍋 ，胡椒鹹菜豬肚鍋 ，鯊魚骨猴頭菇湯， 黑蒜油豬筒骨鍋。我就揀咗個鯊魚骨猴頭菇湯， 用嘅猴頭菇好新鮮食落口好爽口好甜湯底美味。佢地呢度既種類多，有美國肥牛，手切肥牛滑牛肉，牛肉肥瘦比例適中，牛肉味濃，食極都唔厭。亦有羊肉豬肉，適合唔同人口味。每日有時令推介海鮮，而我去果日就係蜆，啲蜆好大隻又肥美，用落湯底度令成個湯都有海鮮甜味。而其他固定海鮮類有海蝦，魚。而佢有一種白鱔片推介，好爽呀冇骨魚味濃。鮮蝦雲吞， 韮菜餃， 魚皮餃 皮薄餡靚。仲有好多丸類同菜類，菜我揀左娃娃菜唐生菜，新鮮甜美。整體食物水準同環境不錯，價錢亦吸引，值得去食

有電視，又任食，時間又長，好一鍋真係一定要試下。任食兩個半中，環境好大好舒服，仲有D係卡位。我地點左皮蛋芫荽湯底，個湯底一黎就已經聞到好濃厚的芫荽味店員會拎醬汁比我地自己整。野食方面，基本有肉類、海鮮類、丸類、餃類和蔬菜類。一開始點都要叫花膠，性價比好高。特別推介手切肥牛，好薄新鮮，放入鍋度輕輕一涮就可以食，而且牛肉味好香濃，一定要叫多幾碟是日海鮮都幾大粒。點少得菜！幾新鮮架！飲品方面選擇都多，罐裝韓國飲品、檸茶、可樂、烏龍茶等，一定有岩心水。

今日出去旺角諗住去買啲嘢，買下買下買到天黑就決定食埋晚餐先翻去，見天氣有啲涼意就好想去打邊爐，去到瓊華就見到好多姐姐派傳單，咁岩見到有任食火鍋 啲湯底好特別，所以就決定上去打邊爐。啲湯底係出面好少見，款款都好吸引，但我同男朋友今日都唔想食咁重口味，所以清清地揀咗泰國椰子雞鍋。等緊個鍋同嘢食嘅時候，就要嚟調配醬料啦，我個人就最鍾意辣椒 蒜 蔥同乾蒜依個配搭。椰子雞鍋 好清甜，飲落有淡淡嘅椰子香 唔會太濃味，湯入面仲有好多雞件同椰肉 好足料，烚完嘅肉可以唔洗點醬都好味，佢會帶有一種椰子嘅香甜味。依個係普通肥牛，食落都好濃牛味 肥瘦亦都好均勻。時令海鮮係大蝦，任食嚟講 估唔到係好高質，蝦肉彈牙 肉質唔霉 食落有鮮味。手打牛肉丸 食落好juicy，口感似牛肉球嘅再彈牙版，牛味都算濃 幾好味。豬頸肉好爽口，比起牛肉我更鍾意豬頸肉。叫咗啲丸同埋蜂巢豆腐，豆腐好吸湯 一咬落去啲湯汁係爆出嚟，芝士丸係我打邊爐必嗌，因為真係好重芝士味 好好味。仲有元貝同元貝燒，元貝燒比較似蟹柳食落有少少魚蛋嘅味，但佢嘅外形好得意，元貝好大粒而且肉都幾嫩滑 唔錯。仲有好多款好嘢食，而且款款嘅質素都好唔錯，唔會因為係任食會

今晚和同事S剛剛處理完公事，S提議去好一鍋食任食火煱，佢話好抵食，食物質素也不錯，一於GoGoGo火煱店面積非常大，有卡位亦有圓枱，卡位的座位都頗舒服，愈夜愈多人常襯。2.5小時任食火煱只是$158, 仲有十款煱底可供選擇，食物種類亦多，差不多百種食物可以任点任食，海鮮每日新鮮運到，自家即製手打丸，手切肥牛和美國肥牛等，咁嘅價錢，真係係邊度揾揀左泰國椰子雞湯底，椰子和雞味香氣撲鼻，還有粟米，蕃茄，紅蘿蔔，未打邊爐前先飲碗椰子雞湯先，感覺好甜好濃味，亦非常滋潤手切肥牛和美國肥雖然薄薄地，但肉質腍滑，頗有牛味海蝦肉質結實彈牙，很新鮮，蜆肉肥美鮮甜，帶少許海水咸鲜，值得一再encore魚類我揀左白鱔片，脆鯇腩和脆鲩魚片，全部魚肉都非常新鲜爽脆，其中尤以白鱔片最正，又係一叫再叫午餐肉亦是我必叫之選！好邪惡但煲得愈腍愈美味豬膶有少少起沙，好嫩滑豬腸亦很肥大，有頭鯪魚球魚味鮮甜，仲有切到好碎的陳皮，好香食千島龍蝦丸一定要好小心，因為丸裏面有熱騰騰的流心，小心盪到啊！墨魚滑也頗彈牙蔬菜類也非常新鮮，其中最喜愛蒿筍和蘿蔔，清甜可口用價錢來衡量，整體食物質素真是不錯，出乎我意料之外飲品任飲，還有軟雪糕

好一鍋 天氣開始炎熱 要趕快食多幾之次打邊爐~一入到去位置加環境都很好很寬敞 而且很乾淨~一座底~ 侍應會拿調味料過來 之後可以因應自己喜歡的而加~湯底~ 遠遠已經聞到濃濃的麻辣香味~麻的味道不錯~ 辣的味都好夠~-黑松露墨魚滑 非常彈牙~ 不會粉粉的~-花膠 非常厚新 材料新鮮 而且好出味-牛肉不會太肥 剛剛好~-仲有好少見的羊肉 完全沒有羊”蘇” 好好食~-流心粟米丸 ~ 好有金寶羅宋湯的味道 ~ 超特別 ~ 好好食~仲有叫左其他野食~ 大家可以試下~ 上菜快~ 而且好貼心 食物會就返人數數量 不會浪費食物 ~