Video
Read full review
2025-08-05
0 views
旺角砵蘭街呢間「明記潮館」主打傳統潮州菜，地點唔起眼，但晚市時段人氣幾旺場！ 今次試咗幾款招牌菜，**乾撈海王粉絲煲**真係必點！粉絲索晒海鮮同醬汁嘅精華，仲有爽口蝦乾同魷魚，鑊氣十足，一個人可以KO半煲！ **風沙豬手**係餐牌嘅廚師推介，裹粉椒鹽炸香，但食多兩件會覺得膩，最好配啤酒。 所以我哋都叫支Sapporo啤酒，爽口解膩，啤一啤佢。 **蠔仔肉碎粥**細碗都夠3-4人分，蠔仔飽滿無腥味，仲有方魚同埋魷魚乾，粥底稀稠適中，啲米粒粒分明，加少少胡椒粉更提鮮。 **涼瓜炆龍躉頭腩**魚頭腩啖啖肉，涼瓜吸左D魚香，完全唔覺苦，連平時唔食涼瓜嘅朋友都夾咗幾件。 最抵係用$8加配嘅**鹵水雜錦拼盤**，豬大腸同鵝腸處理得乾淨，仲有豬耳、豬腩肉、魷魚、紅腸等等，滷水味香而不鹹，大豆芽墊底索晒汁，超值！ 整體而言，明記嘅小菜有鑊氣，不過今次食嘅部分菜式偏濃味，要嗌多碗白飯！
今次試咗幾款招牌菜，**乾撈海王粉絲煲**真係必點！粉絲索晒海鮮同醬汁嘅精華，仲有爽口蝦乾同魷魚，鑊氣十足，一個人可以KO半煲！
**風沙豬手**係餐牌嘅廚師推介，裹粉椒鹽炸香，但食多兩件會覺得膩，最好配啤酒。 所以我哋都叫支Sapporo啤酒，爽口解膩，啤一啤佢。
**蠔仔肉碎粥**細碗都夠3-4人分，蠔仔飽滿無腥味，仲有方魚同埋魷魚乾，粥底稀稠適中，啲米粒粒分明，加少少胡椒粉更提鮮。
**涼瓜炆龍躉頭腩**魚頭腩啖啖肉，涼瓜吸左D魚香，完全唔覺苦，連平時唔食涼瓜嘅朋友都夾咗幾件。
最抵係用$8加配嘅**鹵水雜錦拼盤**，豬大腸同鵝腸處理得乾淨，仲有豬耳、豬腩肉、魷魚、紅腸等等，滷水味香而不鹹，大豆芽墊底索晒汁，超值！
整體而言，明記嘅小菜有鑊氣，不過今次食嘅部分菜式偏濃味，要嗌多碗白飯！
Post
