明記潮館 (砵蘭180+商場)

Open Now

Now Closed

Visited this Chiu Chow resto with colleagues for farewell dinner. .We ordered the following dishes to share:-Braised Goose (HKD180)The goose was well-marinated but not very meaty and contained quite a lot of bones and fat. The dish had a bottom filled with smooth and soft tofu. -Porridge with Baby Oyster & Minced Pork (HKD128)The porridge had a fish soup base with minced pork. The rice grains were soft and not too sticky. The oyster did not have a fishy smell in general, and combined nicely with

呢間旺角小菜館明記係我哋朋友之間飯堂，因為開到凌晨3:30，有時傾偈傾到好夜都得，位置喺旺角亦都非常方便大家，所以勁爆場！佢嘅小菜係非常之好食，等我講吓有邊幾樣，下面介紹嘅都係我班朋友平時都會去食嘅小菜，全部都係大眾鍾意食，而且又好食嘅 :🐻熊仔凍檸茶檸檬茶係明記最吸引之一，個個都都爭住打卡嘅大大杯檸茶加得意嘅熊仔係明記嘅標記！🌽椒鹽粟米椒鹽粟米係勁出色，未食過惹味嘅粟米，用避風塘方式炒嘅粟米，零舍香口又唔黐牙，非常乾身！同椒鹽非常之搭配！🥛順德鮮奶脆脆卷 8條鍾意食炸鮮奶卷嘅一定要食呢個，除咗炸到出邊，入邊奶唔流，味道剛剛好，鍾意食鮮奶卷一食必定愛上🦑黃金鲜魷今次佢嘅黃金魷魚魚勁多鹹蛋黃，非常好食，救救魷魚都好大嚿，沾滿晒鹹蛋黃，唔錯🫑黃金凉瓜推介推介推介！！唔鍾意食涼瓜嘅都一定會食呢個黃金涼，佢炸到勁脆口，佢個粉漿同個涼瓜超好食，食唔出入邊係涼瓜苦澀，而黃金比例剛剛剛好，食第一嚿一定會食第二嚿，朋友唔食涼瓜都食，我哋每次嚟都會必定叫！🐮蜜椒一口牛柳粒嚟到必定叫呢一個，最出色嘅唔係牛柳粒，而係牛柳粒配菜嘅炸咗嘅薯仔粒，炸到脆卜卜就會返個蜜糖喺個面頭，明記頭五名一定有佢，我至愛嘅蜜椒一

Happy Friday最喜歡跟一班朋友聚餐，將工作的煩惱一掃而空，減減壓🍻要坐得舒適吃得出色，又不限時的餐廳真的愈來愈少。最近發現新大陸✨這間潮州打冷餐廳完全符合我們的心水，店員服務還十分周到，整個晚餐大家都吃得大快朵頤🍺滷水雜錦拼盤剛巧餐廳六周年🤩推出了優惠：任何食品滿了300元，就可以用$8 滷水雜拼😍材料完全不敷衍👀分別有紅肉腸、豬腸、鴨腸、豬耳，豆芽和五花肉，所有食材都吸收了滷水精華，很入味！其中豬耳，很爽口有嚼勁👍🏼潮州凍花蟹 $488份量不少，花蟹都很大隻👀蟹肉肉質新鮮爽口，啖啖肉。豉椒炒蟶子王炒麵 $186蟶子王很新鮮，肉質爽口，份量亦不少！配上香脆的炒麵，醬汁跟麵的比例剛好，整體很有鑊氣🔥蜜椒一口牛柳粒 $168必點之選✨薯仔粒煎得外脆內軟，加上表層的蜜糖，很惹味！而肉質柔軟的牛柳粒味道帶甜，甜中又帶點辣椒黑椒汁，很香口，撈飯一流😍椒鹽茶樹菇 $128比較少見茶樹菇版本，想不到原來跟椒鹽很夾🤩外層炸皮不會過厚，火喉亦控制得剛好，清清的茶樹菇配上濃味的椒鹽兩者味覺很平衡，如果送酒一定更加會停不下來！

農曆新年約朋友出來飯聚，朋友喜歡飲酒和食潮州菜式來這間就適合不過。這裡地方全層很大又光猛到晚飯時段全場爆滿，而明星也是常客看見牆壁上很多明星相片。馬拉盞通菜鮮魷🥬這間飯館很夠鑊氣，馬拉盞炒得很香濃通菜非常之爽脆配埋鮮嫩鮮魷真是絕配。方魚肉碎粥（小）🍲我們點了小碗份量也很足夠，粥底夠綿滑有米香又濃郁，蠔仔粒粒脹卜卜好鮮甜美味，加入方魚更令味道提鮮。鹵水鵝🪿鹵水鵝件皮薄肉厚，滷水醬汁味道濃郁有厚度，而鵝肉質地嫩肉有光澤，皮與肉之間沒有太多肥膏，所以吃多也不會肥膩，配料還有滷水豆腐，豆腐很嫩滑又入味。韭菜豬紅🥣還有點了韭菜豬紅，吃潮州菜必吃的小菜，份量也是很足，滿滿脹卜卜豬紅色澤很紅潤，很嫩不會柴口而韭菜很翠綠爽脆鮮甜。

### 霸王雞霸王雞是一道令人垂涎的菜品，當我第一次品嚐這道菜時，雞肉的鮮嫩與香氣瞬間引起我的注意。這道菜的雞肉經過精心的醃製，外皮金黃酥脆，內裡卻保持著多汁的口感。每一口都能感受到香料的層次感，特別是搭配上特製的醬汁，讓整體的味道更加豐富。### 粉絲雜菜煲粉絲雜菜煲一道健康又美味的選擇，當我品嚐這道菜時，粉絲的滑順與各種新鮮蔬菜的脆爽形成了完美的搭配。這道煲的湯底清淡卻不失風味，讓每一口都充滿了自然的鮮甜。各種蔬菜的顏色鮮豔，讓整道菜看起來十分誘人，粉絲吸收了湯汁的精華，讓每一口都充滿了滋味，### 招牌炒鴛鴦米招牌炒鴛鴦米是一道港菜改變而成，米炒的香氣與各種配料的風味交織在一起，讓人感受到一種豐富的口感。這道炒米粉分明，搭配上鮮蝦、雞肉和各種蔬菜，讓整體的味道更加層次分明。特製的醬汁為炒米粉增添了濃郁的風味，讓每一口都充滿了驚喜。這道菜的調味恰到好處，既不過於油膩，也不會讓人感到單調，讓人一口接一口，回味無窮。

旺角砵蘭街呢間「明記潮館」主打傳統潮州菜，地點唔起眼，但晚市時段人氣幾旺場！  今次試咗幾款招牌菜，**乾撈海王粉絲煲**真係必點！粉絲索晒海鮮同醬汁嘅精華，仲有爽口蝦乾同魷魚，鑊氣十足，一個人可以KO半煲！  **風沙豬手**係餐牌嘅廚師推介，裹粉椒鹽炸香，但食多兩件會覺得膩，最好配啤酒。  所以我哋都叫支Sapporo啤酒，爽口解膩，啤一啤佢。  **蠔仔肉碎粥**細碗都夠3-4人分，蠔仔飽滿無腥味，仲有方魚同埋魷魚乾，粥底稀稠適中，啲米粒粒分明，加少少胡椒粉更提鮮。  **涼瓜炆龍躉頭腩**魚頭腩啖啖肉，涼瓜吸左D魚香，完全唔覺苦，連平時唔食涼瓜嘅朋友都夾咗幾件。  最抵係用$8加配嘅**鹵水雜錦拼盤**，豬大腸同鵝腸處理得乾淨，仲有豬耳、豬腩肉、魷魚、紅腸等等，滷水味香而不鹹，大豆芽墊底索晒汁，超值！  整體而言，明記嘅小菜有鑊氣，不過今次食嘅部分菜式偏濃味，要嗌多碗白飯！ 

明記潮館位於旺角，係一間出名食傳統潮州菜嘅餐廳, 餐廳嘅菜式全部都係正宗嘅潮州風味，而且食材都夠新鮮食材，我同朋友同屋企人一諗起食潮州嘢，都會揀嚟呢度食飯!😋而當然佢地嘅滷水非常出名🍗滷水鵝 $180- 鵝肉嫩滑入味，滷汁夠曬香濃，鵝肉肥瘦適中。再配搭的滷豆腐一齊食，真係絕配!🍲海鮮賽螃蟹 $148- 以蛋白模仿蟹肉嘅口感，滑嫩鮮美，淋上蟹黃醬更添層次。而且仲有配料蝦，同埋瑤柱，口感豐富，送飯真係一流!🦪蠔仔粥(小) $88- 蠔仔肉飽滿無沙，粥底綿密，再灑上芫荽紅蔥花提味，就算系細嘅份量，都足夠曬2-3人食!🦀潮州奄仔蟹 $128- 蟹膏豐腴甘香，爆曬蟹膏，蟹肉又夠曬厚身，仲以凍食保留原味，肉質細嫩，再搭配蒜醋汁更加提神醒胃。 🥘韭菜豬紅 $8- 豬紅爽滑無腥味之餘，仲超級入味，韭菜新鮮，只要叫夠$300，仲可以用$8換購，真係無敵超抵食嘅街坊小菜!我同朋友仲叫咗一支啤酒啤一啤🍻食滷水再飲啤酒，真係超正嘅組合!🤭

今次同朋友去咗旺角砵蘭街嘅「明記潮館」食潮州菜，環境乾淨企理，而家仲做緊滿$300可以用$8加配鹵水雜錦拼盤/韭菜豬紅嘅優惠。我哋揀咗鹵水雜錦拼盤，都有返咁上下份量，滷得入味，抵食！ 另外叫咗幾個小菜。風沙豬手炸得外皮酥脆鹹香，食落惹味，但食得多會覺得油膩，建議多人share。 蠔仔肉碎粥（細）雖然叫咗細份量，但都可以分到四五碗。蠔仔鮮甜無沙，鍾意食潮州粥有一粒粒米嘅口感，加埋肉碎同芫荽，暖胃又滿足。 涼瓜炆龍躉頭腩龍躉頭腩膠質豐富，涼瓜係爽脆啱曬我口味，唔會炆到太軟淋，保持到口感。 蒜蓉粉絲蒸蟶子王蟶子唔算特別大隻，但蒸得剛好，蒜蓉同粉絲吸收晒鮮味，好香好惹味。 總括來講，明記潮館水準穩定，價錢合理，尤其海鮮同滷味出色，適合一班人聚餐！

同朋友聚會最適合就去食潮州嘢打冷，氣氛熱鬧，嘢食又大件🍺🦆滷水鴨餐廳掛住金牌滷水嘅招牌，就梗係要試吓佢嘅滷水鴨啦～ 想講例牌都好大份，勁多肉～ 鴨肉真係滷得好入味， 最正係下面啲豆腐，入味之餘仲保持嫩滑質地😛🧄 蒜蓉粉絲蒸蟶子王重口味之選～ 新鮮嘅蟶子上面鋪滿好多蒜蓉， 粉絲亦都吸晒精華， 好惹味🦪 潮式炸蠔仔餅想講佢呢個蠔仔餅入邊真係有勁多蠔， 而且啲蠔仔都係大大粒脹卜卜， 食到佢嘅鮮味～ 酥脆嘅口感實在一流🐻 得意熊仔冰檸檬茶佢真係好可愛啊～ 一送到過嚟見到勁大杯，足足1L , 好適合一路慢慢食飯傾偈嘅時候飲，舊熊仔冰慢慢溶化，配合返食飯嘅速度🥳 光顧滿$300就可以優惠價$8換取雜錦滷水或韭菜豬紅一碟～ 小熊貓就揀咗雜錦滷水，都好大碟喎，上邊有鵝腸，墨魚，腩肉，紅腸等多款配料～ 都係滷得好入味㗎小熊貓覺得呢間餐廳十分抵食，而且氣氛熱鬧，適合同朋友聚會或慶祝活動

明記潮館喺旺角已開業數年，入面主打打冷，提供多款經典潮州菜式以及鑊氣小炒🔥環境氣氛相當熱鬧，好旺場。✿ 滷水鵝餐廳招牌菜之一，鵝皮嫩滑，鵝肉肉質結實。底部有豆腐，花生，最中意食潮州菜嘅花生，好爽又大粒🥜✿ 煎蠔烙煎蠔餅香脆可口，炸至金黃色💛裡面一粒粒蠔肉新鮮肥美🦪✿ 蜜椒一口牛柳粒中菜館好中意食嘅其中一款小菜，蜜椒炒出黎🍯每一件薯仔同牛柳粒亦充滿蜜糖味，薯仔軟綿綿🥔牛柳粒爽口中帶嚼勁🐮牛肉味亦香濃。✿ 熊仔凍檸茶熊仔即系熊仔冰🐻凍檸茶都超大杯😆🍋

今日收工想食下啲潮州打冷嘢，就同左朋友去咗旺角食comfort food~就係呢間明記潮館，每次都食得好滿足！我已經幫襯過好多次，今次都係忍唔住再encore。喺旺角區，要搵到一間又好坐、唔限時、食物又夠水準嘅餐廳，講真唔多。而明記就係其中一間少有嘅「三贏」之選！ 明記潮館位於二樓，要搭兩層扶手電梯先到。餐廳裝修有濃濃嘅大排檔風味，簡約又有氣氛。平日晚市八點左右，已經坐得七七八八，可見人氣有幾高～😏侍應好有禮貌，安排座位快又準，入到去唔洗等太耐，整體體驗都幾舒服😌我地叫咗：🌸滷水雙拼 — 鵝肉片及墨魚 🌸招牌鴛鴦米🌸沙爹牛肉炒芥蘭💜大檸茶及啤酒🌸滷水雙拼 — 鵝肉片（加咗$70）及墨魚   滷水味道濃郁但不過鹹，滷得入味又有肉質的彈性。鵝肉片皮脂分明，肉質嫩滑，無騷味。墨魚則爽口彈牙，滷香滲透，口感非常討喜，兩者搭配得宜，開胃又滿足。🌸招牌鴛鴦米粉驚喜之選，炒米粉加碎蛋、蝦仁、魷魚有多重口感，加辣椒醬更加係完美融合，用來送菜一流，我哋都食到停唔到口。🌸沙爹牛肉炒芥蘭沙爹醬香濃郁帶少少辣，同嫩滑牛肉融合得好好。芥蘭炒得啱啱好，夠晒爽脆，送飯一流。💜熊啤單大檸茶及啤酒大檸茶🍹清新解膩，檸檬

明記潮館係我Favourite 😁本身鍾意食潮州菜，滷水嘢最啱我，呢度仲要滿$300加$8就有滷水雜錦拼盤/ 韭菜豬紅，超抵！🙌🏻 最啱我樣樣都試啲，呢度啲氣氛好熱鬧，座位都舒適，已經嚟過幾次😎滷水雜錦拼盤裡面有豬大腸（！）、腩肉、鵝肉片、豬耳、墨魚片😋滷汁味道濃厚，口感👍🏻👍🏻抵食就越食越好味😆😆金銀蛋浸豆苗份量超大！金銀蛋浸豆苗都係我鍾意點嘅菜，清清地，減低油膩感😚好吃！豆苗味道清爽👍🏻👍🏻潮州炒麵線一向都喜歡吃潮州炒麵線，配料多，樣樣有啲，啱晒我心水😚 材料有魷魚、蝦仁（爽口！）、簡直是太好吃了！粉絲加麵線（雙併😏）彈牙又有嚼勁！份量之大，加上勁多碎蛋，食得好開心❤️菜脯苦瓜煎蛋角菜脯苦瓜煎蛋角是家裡常做的菜，朋友特別落單😁 我第一次吃到的配搭，苦瓜微苦但搭配菜脯的鹹香特別好，難得沒有油膩感，清爽👍🏻👍🏻

週末晚飯時間，經過明記潮館，見好耐無食潮州嘢，就入去試下。等位唔算耐，職員安排得快，坐位之間都有啲空間，唔會迫住食，環境整潔，感覺幾舒服。睇完餐牌，揀咗個二人套餐，再加個優惠滷水拼盤，估唔到幾抵食，份量都唔少。🍲【粉絲蟹肉煲｜$448 套餐】呢煲係當晚最期待嘅一味。煲仔一上枱，熱氣撲面而來，打開蓋見到隻原隻蟹鋪晒喺粉絲面。蟹鉗同身都有肉，肉質結實冇腥味，鮮甜有彈性。粉絲索晒湯汁，煲底微焦位置仲有啲脆邊，香得嚟唔會太乾。味道鹹香帶少少麻油香，蟹嘅鮮味滲晒入湯底，成煲食落都幾惹味。三個人分都夠分，幾滿足。🦆【滷水鵝（小份）｜$448 套餐】滷水鵝一上枱，色澤深啡油亮，外觀已經好吸引。鵝件切得平均，厚薄適中，肉質唔算太厚，勝在滷味入晒骨，入口有香料味之餘，帶微甘，唔會死鹹。鵝皮唔油膩，連埋油脂一齊咬落口有少少膠質感。🥢【滷水拼盤｜$8（優惠價）】真心抵，加配價只係$8。拼盤有滷蛋、滷豆腐、豬紅同鵝腸，種類齊全。豆腐滷得入味，外層實淨但入面仍保嫩滑；滷蛋係全熟版本，蛋香濃郁；豬紅軟滑無腥味；鵝腸最驚喜，處理得乾淨又夠爽口，唔會有油膩感。一碟食落滿足感好高，呢個價錢真係好少見。

簡單評論：一早經Openrice訂檯，去到只給路邊檯，有卡位也不給，不過都算，可能有熟客更早訂了吧。間餐廳好熱，無冷氣咁，熱到一路食一路出汗，問伙計，佢話無辦法，完全唔諗住去解決問題，後來見櫃台收銀唔知係邊度攞咗把風扇出嚟，原來係俾卡位的熟客的。叫出名的熊仔檸檬茶，點知個伙計又話造熊仔冰的機器壞了！啲餸菜本身都可以的，不過餐廳個環境惡劣到咁，幾好食都無用啦，最重要既係，完全毀了一餐生日飯！呢間餐廳係解決冷氣問題和伙計態度問題之前，唔會再去，亦唔建議去！

服務一般般，不過唔係太夠人手，等左陣先有落單，尼個都明白嘅，之後點了大眼雞$248一條，黎到又實又鞋，蒸海蝦都算可以，但都不平$198, 炒白菜仔$108正常，鹵水鵝片$198都少鞋反而㙯底豆腐花生仲好食,最好食係韭菜豬紅加購$8，所謂小食都收20蚊，花生淋嘅唔知放左幾耐，醬油蘿蔔片咸到一個點，飮左我成杯水，從未食過咁差，硬食要比$極差，最後比錢仲要計錯數收多$，仲要落單同收錢係同一個人，如果唔睇單就瀨野了