Video
Read full review
2019-11-30
7237 views
年尾埋數，忙到飛起！為奬勵自己，便約老公食Buffet。做完資料搜集，決定揀灣景廳的「鮑魚．海參．花膠」自助晚餐，因透過網上預訂可免加一，仲送紅酒1杯，3百幾蚊，好抵食！鮑魚松茸瑤柱燉水鴨湯 (每位1客)踏入秋冬，天氣特別乾燥，最好飲一碗滋潤身心的靚湯。這個燉湯十分足料，有精選原隻南非鮑魚、瑤柱、水鴨及具養生功效的乾松茸片，入口清澈、鮮甜美味。冰鎮海鮮 x各式刺身開餐前，當然要食海鮮及刺身啦！每次來食buffet都起碼要食半打生蠔、肥美的三文魚及北海道帶子才滿足。花膠豬耳凍千層滋陰養顏的花膠，配合爽脆的豬耳，製作成8-10層的啫喱凍，加配刺激惹味的麻辣汁，爽口味美。香煎鴨肝 (必食)多年來喜歡食鴨肝/鵝肝，今次又怎少得！這裡的鴨肝煎得香噴噴，厚身有口感，很有水準！脆炸海參百花丸外層脆卜卜，彈牙的蝦膠內藏綿軟的海參，口感層次豐富，沾點甜酸汁，味道更突出。花膠海參炆豬蹄筋 (必食)天氣乾燥，要保持水潤緊緻美肌，滋補好重要，我極力推薦花膠海參炆豬蹄筋，炆得入味、花膠厚身腍滑，愛美必食！鮑魚虎蝦天使麵 x砂窩花膠雲吞雞美食一浪接一浪，接著就食有大大隻虎蝦的天使麵，但略嫌鮑魚切得太幼；而經典上海
做完資料搜集，決定揀灣景廳的「鮑魚．海參．花膠」
自助晚餐，因透過網上預訂可免加一，仲送紅酒1杯，
3百幾蚊，好抵食！
鮑魚松茸瑤柱燉水鴨湯 (每位1客)
踏入秋冬，天氣特別乾燥，最好飲一碗滋潤身心的靚湯。
這個燉湯十分足料，有精選原隻南非鮑魚、瑤柱、水鴨
及具養生功效的乾松茸片，入口清澈、鮮甜美味。
冰鎮海鮮 x各式刺身
開餐前，當然要食海鮮及刺身啦！每次來食buffet都起碼
要食半打生蠔、肥美的三文魚及北海道帶子才滿足。
花膠豬耳凍千層
滋陰養顏的花膠，配合爽脆的豬耳，製作成8-10層的啫喱凍，
加配刺激惹味的麻辣汁，爽口味美。
香煎鴨肝 (必食)
多年來喜歡食鴨肝/鵝肝，今次又怎少得！這裡的鴨肝煎得
香噴噴，厚身有口感，很有水準！
脆炸海參百花丸
外層脆卜卜，彈牙的蝦膠內藏綿軟的海參，口感層次豐富，
沾點甜酸汁，味道更突出。
花膠海參炆豬蹄筋 (必食)
天氣乾燥，要保持水潤緊緻美肌，滋補好重要，我極力推薦
花膠海參炆豬蹄筋，炆得入味、花膠厚身腍滑，愛美必食！
鮑魚虎蝦天使麵 x砂窩花膠雲吞雞
美食一浪接一浪，接著就食有大大隻虎蝦的天使麵，但略嫌
鮑魚切得太幼；而經典上海名菜砂窩雲吞雞，今次加入滋補
花膠，濃湯味道又別有一番風味，不錯！
北京片皮鴨 x燒美國西冷牛扒 x 烤德國腸
場內還有很多款佳餚輪流供應，任君選擇！
日式梳乎厘班戟 (必食)
8點啦，甜品專區的大廚開始製作限時的日式梳乎厘班戟，
梳乎厘豐盈富空氣感，配合忌廉及楓糖漿，入口清甜軟滑。
榛子朱古力慕絲蛋糕
富層次感的朱古力慕絲蛋糕，入口即感受到堅果的香氣、
榛子跟黑朱古力慕絲、酒香馥郁的餅底，正跟富空氣感
的梳乎厘作強烈對比。
野莓脆脆乳酪杯
食得太飽，不妨試試這個乳酪杯，酸味味，清新又消滯。
黑芝麻芝士蛋糕 x 士多啤梨慕絲蛋糕
甜品區另有多款蛋糕、啫喱、港式雞蛋仔等中西式甜品供應。
瑞士MÕVENPICK雪糕
最後當然要食有8款口味的瑞士MÕVENPICK雪糕啦！
另設自助飲品吧，無限供應冰涼汽水及橙汁。
食飽飽離開了，肚仔的滿足感完全可抵消工作上的壓力呀！
Other Info. :
「鮑魚．海參．花膠」自助晚餐
日期：由即日至2020年1月31日
時間：6:30pm-9:30pm
(The above review is the personal opinion of a user which does not represent OpenRice's point of view.)
Post
