高麗軒韓國料理 (Closed)

以前讀書個時，同朋友慶祝生日三五成群就會去食韓燒，因為計人頭任飲任食又可以食到飽，出左黎做野就好少食依種韓燒，所以今日拉左男友一齊去食餐廳係地庫，係傳統既韓國餐廳裝修，坐下後店員送上前菜小食店員介紹可每位加$38升級特別推介食物，見有海鮮所以我地齊齊升級。食物種類都幾多，除左燒肉類之外，仲有湯類、飯類、小食料理<<帶子>> 食落新鮮，食落有牛油蒜一齊燒好夾<<生菜+麵豉醬>> 食燒肉點少得用生菜包住食<<豬頸肉、雞翼>> 醃得好入味，油脂分佈適中，燒完後食落爽口多汁，好好食<<泡菜炒飯>> 揀左要雞肉，個飯炒得好入味同帶微辣，食落幾香口<<豆腐辣湯>> 好足料，加有兩粒雞蛋係湯入面，好多蛋花，味道香濃又唔會太辣，飲淡湯配肉又唔錯喎<<烤牛肉拼盤>> 牛肉醃得幾入味，燒完個肉好多汁，肉質唔會韌，味道好香食落幾惹味整體而言，以依個價錢有肉燒有海鮮，仲有埋韓式料理，確實合理又抵食，食物質素唔錯，真係值得