十和田總本店

Open Now

Now Closed

金馬倫道係一條美食街，有各式各樣嘅餐廳。天氣咁熱，好想食返d涼涼地嘅食物，所以就入左去十和田食返個魚生丼。十和田嘅食物種類好多，有海鮮丼，魚生，壽司，日式定食，熟食，比居酒屋嘅選擇更多，令人難以選擇。每樣嘢都好想食，到最後都係覺得海鮮丼最吸引，所以就一人一丼好了。北海道帆立貝松葉蟹丼，滿滿的海鮮，真係好似返左去北海道函館朝巿咁。帆立貝好厚，好鮮甜，唔洗任何豉油wasabi 都已經好好味。松葉蟹肉鋪滿整碗飯，撈埋d飯一齊食好好味，好鮮甜。丼飯不是普通嘅白飯，而係用左高湯同醬油煮的，所以唔需要再加任何調味就非常好味。香蔥吞拿魚腩丼，好似一座肉餅山咁，一見到就流晒口水。吞拿魚腩蓉嘅口感同魚生片好唔同，食落去綿綿的，但一樣都係咁鮮甜。變成魚蓉食落去無左魚腩片嘅油膩，但保留左個魚香。不過食到一半已經有d飽，個吞拿魚蓉山在太大了吧。百幾蚊一碗海鮮丼，d海鮮多過d飯，實在太抵食了，已經成為了我的飯堂。