必點推介首選:花膠冬陰功湯
一上枱已經聞到香濃酸辣味。湯底夠晒正宗，酸辣度平衡得剛剛好，最特別係加入咗花膠，口感滑溜又養顏，料仲有大量鮮蝦同草菇，飲完成個人暖笠笠！
海鮮控一定要試:泰式檸檬烏頭
烏頭魚蒸得恰到好處，肉質嫩滑，配上酸辣開胃的檸檬汁，完全無腥味。
泰式北海道帶子
帶子大大粒，配上泰式醬汁非常惹味。:)
冬陰功珍寶蝦意粉
誠意之作，意粉掛滿濃郁冬陰功醬汁，每條都充滿泰式風味，仲有幾隻爽脆大蝦，味道創新得來出奇地夾！
炸蔬菜春卷
炸得金黃香脆，入口唔油膩。
芒果沙冰
清甜解辣，係完美配搭。
整體來說，呢度食物質素高，價錢合理，服務態度友善，絕對會再encore！想食高質泰國菜的朋友不妨一試～
1
