Video
Read full review
2023-05-14
30 views
西環最近多咗唔少新開嘅小店，經過呢間泰國菜嘅鋪面，比佢嘅裝修吸引到，店鋪以翠綠色作主色調，用咗好多有民族特色嘅地磚，牆上又貼咗好多泰文嘅海報，比較復古懷舊，有好有泰國嗰種熱帶風情，打卡一流！餐廳菜式同平時去九龍城嘅泰國菜有啲唔同，款式比較多有創意，食落好食又有新鮮感，而且價錢唔貴，絕對值得一試！------------------------------🦀◖香芒軟殼蟹沙律◗ $98呢個沙律賣相似成隻軟殼蟹趴係草地上面，擺盤擺得相當唔錯！軟殼蟹炸皮薄薄地，炸得好香脆，蟹肉頗多而且好有鮮味；用咗泰國青芒做沙律底，配埋花生、洋蔥，蝦米，口感好豐富，味道酸酸甜甜，好適合做開胃前菜！🍢◖沙嗲串燒◗ $88串燒有六串，牛肉、雞肉、豬肉各兩串。佢嘅串燒啲肉一啲都唔乾柴，肉質仲保持到彈牙軟滑，好有驚喜！特別鐘意豬肉串燒，好香炭燒味，燒得啱啱好，有少少燶邊好香口！佢嘅沙嗲汁係偏甜嗰種，串燒本身已經醃過又帶啲炭香，再配埋沙嗲汁食，好濃好惹味！🦪◖香葉炒青口◗ $98青口大大隻，肉質幾新鮮彈牙，用咗香葉同秘製汁去炒，味道偏辣好惹味！個汁辣辣地，加入咗幾款香料去煮，配上豆角呢啲配菜，都索晒啲汁好惹味，個
------------------------------
🦀◖香芒軟殼蟹沙律◗ $98
呢個沙律賣相似成隻軟殼蟹趴係草地上面，擺盤擺得相當唔錯！軟殼蟹炸皮薄薄地，炸得好香脆，蟹肉頗多而且好有鮮味；用咗泰國青芒做沙律底，配埋花生、洋蔥，蝦米，口感好豐富，味道酸酸甜甜，好適合做開胃前菜！
🍢◖沙嗲串燒◗ $88
串燒有六串，牛肉、雞肉、豬肉各兩串。佢嘅串燒啲肉一啲都唔乾柴，肉質仲保持到彈牙軟滑，好有驚喜！特別鐘意豬肉串燒，好香炭燒味，燒得啱啱好，有少少燶邊好香口！佢嘅沙嗲汁係偏甜嗰種，串燒本身已經醃過又帶啲炭香，再配埋沙嗲汁食，好濃好惹味！
🦪◖香葉炒青口◗ $98
青口大大隻，肉質幾新鮮彈牙，用咗香葉同秘製汁去炒，味道偏辣好惹味！個汁辣辣地，加入咗幾款香料去煮，配上豆角呢啲配菜，都索晒啲汁好惹味，個秘製汁令成個菜式嘅味道出色好多，推薦！
🐖◖泰式乾炒豬肉河◗ $88
豬肉肉質好軟腍，每塊都好大嚿，河粉好有韌性，口感偏糯好有韌性好彈牙，唔會一夾就爛～幾鍾意佢河粉嘅質地，炒得都香口有鑊氣，但就略嫌豬肉唔太入味～
🥥◖Jendo With Coconut Milk◗ $28
呢杯椰汁珍多冰幾特別，最上有一層薄薄地嘅奶蓋，綠色粉條放左喺表面做點綴，椰子奶好濃好香，賣相好靚！先飲一層鹹鹹地嘅奶蓋，連埋啲粉條同椰奶一齊飲，口感豐富，味道有層次！
🧋◖Thai Iced Tea◗ $28
泰國奶茶係食泰國菜必叫嘅飲品，呢杯泰奶味道都係偏甜少少，但茶味會更濃，表面加咗一層奶泡，等佢面頭啲冰融化咗，個甜度就啱啱好！
🌟 Encore指數：9.5/10
Post
