Video
Read full review
2022-12-31
38 views
前排係尖沙咀食過一間印度菜印象深刻🫣 今次再黎挑戰印度素菜先！Kailash Parbat係印度過江龍🇮🇳 由一對印度兄弟係孟買創立，到宜家已經有65年歷史，分店仲遍佈世界各地~ 今次唔洗飛去印度都可以品嚐到印度正宗街頭風味😍餐廳環境幾大，坐得幾舒服👍🏻 裝修摩登又型格，壁畫同裝飾都好colourful，有印度街頭feel🇮🇳 Menu中英對照，圖文並茂，幾夠user-friendly，咁就唔怕叫錯野食中伏啦🤣♢ 🍢Malai Paneer Tikka $105印度粘土烤特式奶酪串燒配酸奶 ‧ 呢兩串素菜串燒好特別，係用奶酪整成，口感有D似硬豆腐咁，仲有香烤過既煙燻味，配埋薄荷酸辣醬更加香口。♢ 🥘Taka Tak Mushroom Masala $95蘑菇洋蔥咖哩 ‧ 食印度菜一定要點盤咖哩！咖哩微辣程度，散發淡淡洋蔥香味。單食既話會有D重口味，店員推介可以點烤包同炒飯，更加香口惹味！♢ 🥞Kulcha $35印度特色孜然青辣椒餡餅 ‧ 印度麵餅有好多款，Kulcha係其中一款半發酵麵餅，常見於印度街頭。烤包整得幾薄身，中間夾左D青辣椒，口感有點微辣。呢個價錢有4大塊，CP值極高，
餐廳環境幾大，坐得幾舒服👍🏻 裝修摩登又型格，壁畫同裝飾都好colourful，有印度街頭feel🇮🇳 Menu中英對照，圖文並茂，幾夠user-friendly，咁就唔怕叫錯野食中伏啦🤣
♢ 🍢Malai Paneer Tikka $105
印度粘土烤特式奶酪串燒配酸奶 ‧ 呢兩串素菜串燒好特別，係用奶酪整成，口感有D似硬豆腐咁，仲有香烤過既煙燻味，配埋薄荷酸辣醬更加香口。
♢ 🥘Taka Tak Mushroom Masala $95
蘑菇洋蔥咖哩 ‧ 食印度菜一定要點盤咖哩！咖哩微辣程度，散發淡淡洋蔥香味。單食既話會有D重口味，店員推介可以點烤包同炒飯，更加香口惹味！
♢ 🥞Kulcha $35
印度特色孜然青辣椒餡餅 ‧ 印度麵餅有好多款，Kulcha係其中一款半發酵麵餅，常見於印度街頭。烤包整得幾薄身，中間夾左D青辣椒，口感有點微辣。呢個價錢有4大塊，CP值極高，送咖哩一流！
♢ 🍚Veg Pulao $70
香蔬菜印度特色黃飯 ‧ 食素最驚食唔飽，呢碟炒飯幾抵叫！米飯用左印度長粒米，炒得幾乾身，用香料炒過有種東南亞味道~ 店員介紹我地可以點D咖哩一齊食，味道又幾夾喎~ 有驚喜！
♢ 🍛Samosa Chaat $80
印度薩摩薩咖哩角 ‧ 呢款係印度幾出名既街頭美食，同平時食開炸到乾身既咖哩角好唔同，呢碟咖哩角比一堆鷹嘴豆﹑洋蔥同調味料遮住左~ 咖哩角本身味道鹹香，又加上薄荷酸奶醬調味，帶點清新酸味。整體口感豐富，層次感好強！
♢ 🍹Namkeen Pink Peru $55
粉紅秘魯 ‧ 黎到唔想叫芒果汁，可以試下呢杯特製辣番石榴果汁~ 番石榴味濃郁，杯邊灑上辣椒粉，味道幾易入口~ 我都幾鍾意。
♢ 🍇Desi Kala Khatta $49
印度提子汽水 ‧ 朋友叫左呢杯提子汁，整體口感似提子味既梳打水，都幾特別。
呢餐又令我對印度菜更加fall in love喇🤤 每樣菜式都幾好食，調味夠香口惹味，好岩我胃口！雖然呢餐食素，但係都食得幾飽下~ 餐廳CP值都幾高💰每樣菜式都係$100左右，同朋友都食得好滿足呀😋 以後口痕想食印度野一定會再訪！
Post
