北海道食堂 (Closed)

今次揀咗食最貴嘅餐，亦都係性價比最高嘅！【極盛放題 / 任食2.5小時】HK$328可以揀嘅刺身同燒物種類都特別多☺️ 刺身整體肥美大件， 個人覺得呢間嘅燒物幾出色， 廚師用上鐵板燒，即叫即整！推薦一試！刺身同壽司亦幾好新鮮，會多咗幾round枱與枱之間闊落，毫無壓逼感， 我哋平日晚上嚟食，餐廳唔算多人，所以店員都冇趕我哋走，我哋都係食到差不多10點就自動自覺走咗lu。樽裝飲品有冷藏，亦都有室溫可以選擇，都幾多款可以揀！ 甜品方面，有雀巢杯裝雪糕同雪米糍，中規中矩啦！廚房係半開放式， 有一個大嘅透明窗可以見到廚師整鐵板燒物，完全感受到個種好有鑊氣😍 難怪食物上枱咁香咁惹味