老掌櫃東北菜館 (海之戀商場)

Open Now

Now Closed

去海之戀行Donki，見到隔離有間東北菜館，睇到佢既menu好吸引，決定入去試一試。我地叫左北京填鴨(半隻)，酥炸小黃魚同四川擔擔麵。~~北京填鴨好抵食，$168有半隻。D皮燒得好脆，鴨肉好香。包埋d皮，加埋d蔥，青瓜一齊食，吾會太油膩，岩岩好。~~酥炸小黃魚一樣好抵食，$78有2條小黃魚。外皮炸到卜卜脆，魚肉好滑好香，好味到停吾到口。~~四川擔擔麵麵質好彈牙，吾會太硬同太淋，岩岩好。湯底好香花生味，加上少少辣，好好味。餐廳冇加一服務費，好正。餐廳環境都好好，有落地大玻璃，睇到無敵大海景。順帶一提，我地食到7點半左右，就開始多人，要等位，如果想食，記得book位啦。