44
入到餐館，呢度嘅環境真係好舒服!!!!!
有室內同埋室外位置，
餐廳室內位置寬敞用餐環境舒適，室外位置仲可以望到風景。
Unlimited Cicchetti Brunch有無限量供應前菜，
有幾款唔同嘅意式烤麵包，
個人覺得費城忌廉芝士同醃黃瓜呢款烤麵包真係好好食。另外仲有5款風乾火腿無限任食。
幾款質素都幾高。食完前菜之後，仲有無限量嘅意大利小食，呢個我覺得幾抵食，因為一個價錢可以食齊晒好多款意大利小食，
一共有成13款咁多啊。推介必食芝士火腿意式吐司，松露蔬菜炒蛋
意式烤肉，蕃茄撻配奶酪羅勒。餐廳會按用餐人數決定份量\
所以少食多滋味試多好多唔同款式都唔錯。各款意大利小食都係即叫即整，所以上枱熱辣辣。個意式烤串質素幾高真係唔錯。
另外仲有share嘅餐點，有烤雜錦蔬菜，豬頰肉蕃茄醬粗管通粉同是日餐湯。
粗管通粉上枱份量勁大，好夠食，同埋真係好得意 。甜品方面都超豐富
有一個意式甜品拼盤裏便有齊晒各款意大利特色甜品最推介係食西西⾥捲⼼脆餅同蘋果啤梨撻。兩款都超有驚喜！蘋果啤梨撻蘋果味道超香。另外都推介食佢哋嘅Tiramisu
質地口感香滑，係可以encore嘅甜品!!!另外如果想再豐富D ge 仲可以加錢食埋個main, 今次同FD 叫左個焗大蝦~!!
幾隻蝦都真係超大隻!! 蝦肉超厚!!! 焗得好香,幾好食呀!!!
因為個環境唔錯,同埋D野都幾好食, ~~下次預備同屋企人過黎食生日飯~~^^
睇左佢個晚餐餐單, 哈哈,等下次再試埋佢地其他菜式~~~
59
