樂天大喜屋 (Closed)

樂天大喜屋，已經喺創興廣場屹立咗好多年，真係可以講細細個已經幫襯佢。能夠生存咁耐證明佢係掂嘅自選兩小時都係268 加一款式夠多，重要依家好方便，用QR code都可以下單。上菜好快，基本上落單嘅嘢都嚟齊。唔使多講，有基本嘅刺身。放題來講質素好好。日式放題我最鍾意嘅就係想煮蜆，呢個湯底好正。其他嘢食都唔錯，例如羊架，帆立貝，燒物款款都正，牛脷，菠蘿。另外，飲品行出去攞，有好多款，就連比較新嘅OOhA都有。另外仲有熟食區，有冷盤。又有甜品，盒裝豆腐花。雪糕係杯庄，仲有多款雪條，例如榴槤雪條整體來講，平民價錢，咁多款式，質素中上