極尚大瀛喜日本料理

Open Now

Now Closed

已經一段時間冇食日式放題，上星期同事突然提出，所以就近近地book咗呢一間喺APM附近嘅日式放題。呢度日式放題嘅種類同其他出面嘅日式放題餐廳分類差不多，大同小異，但係質素就差好遠。刺身當然係唔少得啦！個人覺得最欣賞嘅刺身係鮮蝦同埋元貝，好新鮮好鮮甜，都order jor好多次。另外我覺得呢一度嘅燒物都可以試一試。除左燒肉類之後，次次食日式放題都一定會叫燒菠蘿，呢度嘅燒菠蘿係真係用新鮮嘅菠蘿燒。食得出冇浸過糖水，酸中帶甜，可以消滯，之後再可以食下一round。除咗落單任叫之外，出面仲有自助吧枱提供好多唔同種類嘅凍食、熱食、湯、甜品，呢個價錢食到咁多唔同種類嘅食物真係超級抵。