美心MX (Closed)

呢一日行過呢頭，就呢度食個下午茶。呢度都唔算多人，始終唔係太旺，好舒服咁食個下午茶。都係食個下午茶便當，呢個都係抵食。下午茶便當都係要西多士果隻。沙律就無乜特別，應該都係罐頭貨。而薯條都係扭紋薯條，都幾夠熱。呢間仲主動俾茄汁，真是貼心。而雞翼係普通既炸雞翼，但食得出係即炸既，好食。吉列豬柳都唔錯，豬柳唔會鞋口同整得幾好食。西多士係即整既，花生醬好多，好豐富。紅豆冰紅豆好淋，奶味又夠，幾好飲既紅豆冰。呢餐都幾好，唔算太貴，野食又好食。