極尚大喜屋

Open Now

Now Closed

以前都食過，最近搬左去雅蘭，同朋友慶祝生日，揀左食放題，貪呢間中西日式料理都有，上次食過都唔差。好鍾意佢啲火炙壽司，唔會為左塞飽你，比大大件飯黎，d飯好細件，做到料多飯少，同埋味道唔錯！蒲燒鰻魚係我次次都會叫，都係必食，大大件又厚身！估唔到自助區咁多嘢食同野飲，仲有啤酒！一家大細黎就最適合，夾糖雪糕甜品都勁多款！但最估唔到鮑魚花膠燒蠔扇貝都有得任食，好食過一般酒樓。最後食埋生果同雪糕，呢個價錢加埋任食，絕對收貨！