金凱小廚 (Closed)

朋友住附近推介我食喱間放題話好抵食，今次去開個邊就試一試。都真係幾抵，$198一位有雞煲食加邊爐放題任食再加4款自選串燒，仲免收加一tim🙀咁首先會嚟咗個一次性嘅即炒麻辣雞煲，我覺得好好味，炒得好野ye惹味但係又唔會太辣👍🏻👍🏻👍🏻咁食完個雞煲之後就會就會換個煲俾你打邊爐架啦，湯底我揀咗花膠雞濃湯，我覺得偏淡咗少少，大家可以揀其他惹味啲應該會正啲！雖然$198個放題少啲選擇，但我覺得都好夠食，又有雞煲又有邊爐又有串燒，夠哂多元化。串燒雖然每人淨係可以揀4款，但都夠過一過口癮。全部即叫即燒，熱辣辣上枱。