82
4
4
Telephone
67308819
98703723
Opening Hours
Today
06:45 - 23:00
Mon - Sun
06:45 - 23:00
Payment Methods
Cash
Number of Seats
80
Other Info
Online Reservation
Restaurant Mode of Operation - Type C Details
Wi-Fi
Alcoholic Drinks
Phone Reservation
Reward Dining Points
TV Broadcast
About Reward Scheme
Review (95)
Level4 2021-09-02
148 views
大圍其實係沙田區黎講都算多美食,但係食下食下,都好似食勻晒,係時候試D新野了。朋友住係美林果頭,話冬菇亭有間雞煲可以一試,所以我決定去會一會佢啦!如果係大圍站A出口行過去,首先沿大圍道向油站方向行5分鐘,之後轉左往美林巴士總站走大約5分鐘就到了...鋪頭坐位不算太多,但勝在卡位數量足夠! 圓枱有10數張,卡位有4-5張,早D到就有機會坐到卡位享受享受XD晚餐主要有2個雞煲價 ($198同$248)……雖然餐牌寫明有咩分別,不過我都好懶咁問侍應有咩分別算,佢地都好耐心咁解釋比我聽,服務態度不錯$198 套餐 包雞煲+4款串燒+特選肉類火鍋配料飲品任食任飲叫咗花膠雞湯底,好滋潤,至少有6塊花膠👍👍任食配料📚雞煲:無得自選辣度,不過唔係太辣,應該大部人食到。雞件調味出色,數量都充足,唔會話太多/太少 (因為仲可以任點牛肉同配料架嘛!) 🐤🐤串燒:Feel到係用心燒,所以食完有D唔夠喉feel(大食朋友仔可以㨂$298餐,串燒無限refill)特選肉類:唔會話好多肥膏,肉味都濃郁飲品:大部份汽水都有,盒裝飲品就比較多款,啤酒就只有2款,一路飲一路HOTPOT,都幾梳乎迷你蔬菜盤:一點都不迷你,生菜洗得乾淨,打邊爐最後一定要食返d菜補充纖維🥬🥬總結:位置可能有D遠,但係其實隔離有個巴士總站,係MTR行過去都係10-15分鐘嘅腳程,食前/食後散下步都好。食物水平中上,服務態度可嘉,入秋之際,不妨來一場和雞煲的約定🍁🍂 continue reading
(The above review is the personal opinion of a user which does not represent OpenRice's point of view.)
Level4 2021-08-29
8 views
屯馬線開通後去大圍方便左好多, 今日來美林邨冬菇亭試試平民價雞煲,這裡店員親切,一口價每位$198免加一可以食齊哂雞煲、串燒、打邊爐,,兩小時內任點任食真係物超所值。 麻辣雞煲上枱時已煮至八成熟,只須加熱兩三分鐘就食得,雞煲醬汁夠辣,肉質嫰滑又入味,伴上大量洋蔥、芫茜等香料更添惹味。串燒每人可以選4款,燒雞泡魚乾味道鹹中帶甜, 嘴很饞的時候特別喜歡這充滿嚼勁的零食,蒜蓉燒生蠔和蒜蓉牛油燒扇貝都伴上大量蒜粒肉碎,安格斯牛粒串牛味濃郁,醬燒雞腎爽口有嚼勁, 秋葵味道香甜,鹽燒海蝦連殼上保留海蝦鮮味。食過雞煲串燒後,店員再上火煱,火煱湯底選了矜貴既花膠雞湯,大大塊花膠配搭滋補既紅棗杞子。火煱料有多款任點任食,安格斯肩胛脂肪分佈均勻,肉質鮮嫩不油膩,廣鳥蠔肥美口感柔滑,蟹柳棒大件又香甜,香脆炸魚皮和吸汁響鈴必不可少,迷你時令蔬菜籃有黃芽白、生菜和秀珍菇, 粟米粒飽滿又清甜, 高纖低卡芋絲夠滑溜,牛柏葉爽口又唔靭,墨魚丸和陳皮魚旦夠彈牙。自助調味醬區有蔥、蒜、辣椒粒和燒汁。自助飲料凍櫃有多款汔水、啤酒及涼茶,我們選了馬蹄爽清涼潤喉又解渴。 continue reading
(The above review is the personal opinion of a user which does not represent OpenRice's point of view.)
Level4 2021-09-12
0 views
嗰日朋友介紹咗佢屋企樓下個間雞煲串燒和牛火鍋放題都食晚餐,真的唔錯。一開始我哋就叫咗幾款串燒,雞軟骨,羊架,生蠔,扇貝,雞泡魚,海蝦,雞中翼,安格斯牛柳粒,菠蘿,食完簡直想再叫,好好味👍🏻食完串燒,都主菜啦,雞煲🤣我哋叫咗小辣,d雞好入味,一個字正👍🏻 我哋好快就食完個雞煲因為真係太好食,食完雞煲,又可以打邊爐,佢哋有幾款湯底俾我哋揀,有花膠雞濃湯,胡椒豬肚湯,醉雞湯,四川麻辣同埋沙嗲濃湯,我哋最後揀咗我哋嘅至愛醉雞湯。真係要講吓個醉雞湯,個湯底一到,好重嘅藥材同埋酒味,忍唔住馬上飲咗一碗湯👍🏻你哋有好多款火鍋配料俾我哋叫,最緊要係有好多款唔同嘅牛肉,火鍋必備👍🏻我哋不斷食完啲牛又再叫因為d牛好鮮嫩,有重牛味既有唔重既。除咗牛,我哋都有叫其他配料例如鴨血,芝士丸,龍蝦丸,牛柏葉,海蝦。 真心講,呢度既配料非常新鮮。呢度嘅服務員禮貌有禮,好關心照顧客人嘅需要,值得一讚。下一次會繼續同朋友嚟食。 continue reading
(The above review is the personal opinion of a user which does not represent OpenRice's point of view.)
Level4 2021-09-12
0 views
個title冇打錯,今次介紹既就係串燒雞煲火鍋‼️大圍既呢間金凱小廚一次滿足你3個願望😍食完雞煲打邊爐,仲有串燒任食,CP值十分高👍🏻餐廳唔大,附近係民居,都幾多街坊支持架😆所以記住book位,walkin可能食唔到架😛環境就正常,正路小店格局,好彩既仲有卡位坐🤓服務親切,店員仔細介紹餐牌,上菜收碟速度亦理想😉餐廳提供2款收費,平啲就有一次性串燒同雞煲連火鍋放題,貴啲就雞煲串燒和牛火鍋全部任食😋我地揀左後者,幫大家試哂佢🤪🐔雞煲 🌟3.5/5分雞煲2個人食就有約半隻雞(?) 不過唔夠可以再添😛調味正常,整體偏醬香,麻香味唔算突出,睇黎唔係行乾身惹味路線🤔雞肉肉質嫩滑,掛滿醬汁😋嗌小辣都唔算太辣,食得辣既朋友可以嗌辣啲或者好似我地咁,出去調料區拎啲辣醬加落去,味道即刻昇華🤩🍲火鍋 🌟3/5分食完雞煲就揀個湯底,店員會幫你換煲打邊爐,唔同坊間淨係加啲湯落雞煲,值得欣賞🥰👍🏻湯底有5款,我地揀左沙爹湯底。不過湯底太杰身,好易痴底😭雖然聞落幾香,但食落又唔算濃味,我地就唔太推介呢個湯底了,大家試返其他大路既會更穩陣🤪配料方面,牛肉質素有驚喜😍和牛肉眼油脂均勻,淋身亦有牛味👍🏻另外仲有接近30款配料,選擇唔多不過水準都唔錯😉其中仲有廣島蠔、扇貝、蝦等海鮮🦐都幾抵食~🍢串燒 🌟3/5分款式又有接近30款,平均味道都正常,唔會話好出色,始終唔係串燒專門店😛其中生蠔、扇貝、牛粒串都幾惹味,可以一試🤤總括黎講,二百令蚊又雞煲又火鍋又串燒真係幾抵食🤩環境同味道都唔錯,約朋友食飯真係冇得輸🥰同埋店員仲好好服務,又有禮貌~👍🏻 continue reading
(The above review is the personal opinion of a user which does not represent OpenRice's point of view.)
Level4 2021-09-08
2 views
金凱小廚係大圍美林邨巴士總站, 真係一跳落車就可以醫肚啊! 佢係舊式冬菇亭設計好有懷舊FEEL. 唔洗等位就入到去~ 店員會問你揀咩PLAN~再介紹上菜流程我地揀左$198個任食火鍋配料,首先黎左雞煲, 2個人半隻係好入味, 個醬汁調得好惹味! 有芫茜, 洋蔥, 辣椒, 如果份量多返D就好啦~ 真係好好食~ 肉質唔錯又大啖肉揀串燒~ 一個人可揀4串, 我地揀左雞軟骨, 牛柳粒, 雞泡魚乾, 燒汁牛肉片~ 我覺得佢串燒燒得唔錯, 有心機燒, 唔會好燶, 仲好有肉汁~ 不過就等得耐左小小, 串燒係推薦既!! ^^火鍋湯底有幾款可揀: 花膠雞濃湯、懷舊沙嗲濃湯、四川麻辣湯、胡椒豬肚雞湯煲、懷舊醉雞煲。 我揀左花膠雞濃湯, 足料花膠, 好養生哈哈!! 食完咁濃味既野, 食返淡小小都好~ 肉類都好新鮮, 丸類正常,無咩特別, $198 食到攬住個肚走=抵! continue reading
(The above review is the personal opinion of a user which does not represent OpenRice's point of view.)