大滿喜日本料理 (Closed)

我同男朋友每隔一排都去食一次放題~今次就試下大滿喜先~聽啲fd講都唔錯，價錢又抵。我地book左5:30果場，連埋加一都係$220喳慳抵呀~ 本身以為咁早冇乜人食，點知去到都幾旺場喎。餐廳好大可以容納好多人~ 落單喺用紙仔剔食物，種類都幾多。啲staff無論上菜同收碟都速度驚人，冇試過有溜單情況，抵讚😎刺身方面多選擇，仲有比較貴嘅帆立貝添呀～一開始就叫左一輪刺身先。刺身整體都幾新鮮，帆立貝夠鮮甜，同埋喺接近原粒咁上。油甘魚有驚喜，油香味同口感都唔錯~另推介甜蝦刺身，size比一般大隻又新鮮。炸物方面，個人重點推介芝麻雞翼。炸得個皮好脆之餘仲保留住啲肉汁，味道唔太咸。炸生蠔個炸粉夠薄，生蠔幾大隻，咬多酥脆鮮甜。 天婦羅方面就試左一個炸蟹棒， 炸粉幾薄，我中意~之後encore多左件😋 串燒方面叫咗鹽燒牛舌，雞軟骨同埋蝦。極力推介蝦! 燒得好香，肉質又鮮甜又彈牙~亦喺我地encore之最😆另外飲品有放題恩物，道地解茶😍飲完有啲消滯效果~