Video
Read full review
2020-06-09
276 views
我同女朋友都好大食，所以食放題就最啱，由於我哋星期日都係瞓到好晏既人，下晝三點幾四點先食午餐，夜晚食遲啲都無所謂。星期日晚九點後入座，每人計埋加一都係二百頭，抵👍🏻。點餐紙有成十多款，食物選擇超過百款！我哋樣樣都想食，結果嗌到成枱都係。女朋友話佢影相靚啲，要用佢啲相喎😍。食物味道大部份都幾好，女朋友今日唔想食刺食，變咗係咁嗌壽司，結果我食咗好多嚿飯🍣🍣。壽司款式幾多，其中黑松露赤蝦壽司同火炙系列最好食。另外，鍋物亦都有幾款可以揀，我哋要咗雪花肥牛鍋同清酒煮蜆，前者相當唔錯，壽喜燒湯底無得頂；後者略嫌酒味淡咗啲，但蜆無沙。燒物串燒方面，其實不比居酒屋差，當中燒紐西蘭羊鞍同蜜汁豬仔脾性價比最高，啖啖肉，啱哂食肉獸🥩😈。另外，鹽燒牛舌都唔錯。熟食方面，炒雜菌、碗仔翅同燉蛋都有得食，款式真係好多。但女朋友食到咁上下開始飽，跟住落黎得我自己一個作戰。女朋友拎完沙律返黎自己唔食，塞我食，不過DIY嘅蟹籽沙律其實唔錯🤣。天婦羅好食，蝦天婦羅同南瓜天婦羅最正，放題好處就係你想食果款就點果款，唔洗要埋啲自己唔想食既雞肋。去到甜品部份，女朋友嘅HP值又回復番，自己衝咗出去拎。好彩佢今次比較理性，拎嘅份量係
我同女朋友都好大食，所以食放題就最啱，由於我哋星期日都係瞓到好晏既人，下晝三點幾四點先食午餐，夜晚食遲啲都無所謂。星期日晚九點後入座，每人計埋加一都係二百頭，抵👍🏻。
點餐紙有成十多款，食物選擇超過百款！我哋樣樣都想食，結果嗌到成枱都係。女朋友話佢影相靚啲，要用佢啲相喎😍。
食物味道大部份都幾好，女朋友今日唔想食刺食，變咗係咁嗌壽司，結果我食咗好多嚿飯🍣🍣。壽司款式幾多，其中黑松露赤蝦壽司同火炙系列最好食。
另外，鍋物亦都有幾款可以揀，我哋要咗雪花肥牛鍋同清酒煮蜆，前者相當唔錯，壽喜燒湯底無得頂；後者略嫌酒味淡咗啲，但蜆無沙。
燒物串燒方面，其實不比居酒屋差，當中燒紐西蘭羊鞍同蜜汁豬仔脾性價比最高，啖啖肉，啱哂食肉獸🥩😈。另外，鹽燒牛舌都唔錯。
熟食方面，炒雜菌、碗仔翅同燉蛋都有得食，款式真係好多。
但女朋友食到咁上下開始飽，跟住落黎得我自己一個作戰。女朋友拎完沙律返黎自己唔食，塞我食，不過DIY嘅蟹籽沙律其實唔錯🤣。
天婦羅好食，蝦天婦羅同南瓜天婦羅最正，放題好處就係你想食果款就點果款，唔洗要埋啲自己唔想食既雞肋。
去到甜品部份，女朋友嘅HP值又回復番，自己衝咗出去拎。好彩佢今次比較理性，拎嘅份量係食得哂👍。木糠布丁仔同芒果布甸最好食，最後仲有一人一杯大師雪糕。滿載而歸😜。出面飲品櫃好大個，汽水、茶飲任揀，但記住唔好做大嘥鬼。
放題餐廳而言，滿屋服務都算幾好，其中有位女店員(姓譚)好好笑容，又好禮貌，另外亦無出現漏單嘅情況。可能係宵夜時段嘅關係，出面自助嘅熱食比較少，無咁繽紛，但影響實際唔大。仍然係滿足嘅一餐，飽到第朝🙈。
Post
